Ko e ʻOfá ʻOkú Ne Fakaʻilongaʻi ʻa e Kau Kalisitiane Moʻoní​—Maluʻi ʻa e Mahuʻinga ʻo e Fāʻūtahá

ʻUHINGA ʻOKU MAHUʻINGA AÍ: ʻI he pō ki muʻa ke ne pekiá, naʻe lotu ʻa Sīsū ke hoko ʻene kau ākongá “ʻo fāʻūtaha kakato.” (Sione 17:23) Ke hanganaki fāʻūtahá, kuo pau ke tau fakahāhā ʻa e ʻofá, ʻa ʻia “ʻoku ʻikai te ne hanganaki fakalau ʻa e koví.”—1 Kol. 13:5.

FOUNGA HONO FAI IÁ:

• Faʻifaʻitaki kia Sihova ʻaki ʻa e vakai ki he lelei ʻi he niʻihi kehé

• Fakamolemoleʻi loto-lelei

• Hili hono fakaleleiʻi ʻo ha meʻa, ʻoua ʻe toe ʻohake ia.—Pal. 17:9

SIO ʻI HE VITIŌ “MAʻU ʻA E ʻOFÁ ʻI HOMOU LOTOLOTONGÁ”—ʻOUA ʻE HANGANAKI FAKALAU E KOVÍ, PEA TALI LEVA ʻA E NGAAHI FEHUʻI KO ENÍ:

• ʻI he ʻuluaki konga ʻo e vitioó, naʻe anga-fēfē hono fakahaaʻi ʻe Hēleni naʻá ne ‘hanganaki fakalau ʻa e koví’?

• ʻI he konga hono ua ʻo e vitioó, naʻe anga-fēfē hono ikuʻi ʻe Hēleni ʻene fakakaukau ʻikai leleí pea fakatupulekina ha fakakaukau lelei?

• ʻI he faai mai e taimí, naʻe anga-fēfē ʻa e tokoni ʻa Hēleni ki he fāʻūtaha ʻa e fakatahaʻangá?