KOLOA MEI HE FOLOFOLA ʻA E ʻOTUÁ | KALĒTIA 4-6
“Ko ha Talanoa Fakaefakatātā” mo ʻEne ʻUhinga Kiate Kitautolú
Naʻe ngāueʻaki ʻe he ʻapositolo ko Paulá ʻa e “talanoa fakaefakatātā” ko ení ke fakatātaaʻi ʻa e mahuʻinga ange ʻa e fuakava foʻoú ʻi he fuakava Laó. ʻI he malumalu ʻo e tataki anga-ʻofa ʻa Kalaisi mo hono kaungāʻeá, kuo maʻu ai ʻe he faʻahinga ʻo e tangatá ʻa e ʻamanaki ke tauʻatāina mei he angahalá, taʻehaohaoá, mamahí pea mo e maté.—ʻAi. 25:8, 9.
HEKAʻĀ—KO HA KAUNANGA Ko ʻIsileli ʻo e kuonga muʻá naʻe ʻi he malumalu ʻo e fuakava Laó, ko hono kolomuʻá ko Selusalema |
SELA—KO HA FEFINE TAUʻATĀINA Ko e Selusalema ʻi ʻolungá, ʻa e konga fakahēvani ʻo e kautaha ʻa e ʻOtuá |
“FĀNAU” ʻA HEKAʻĀ Ko e kakai Siú (haʻi kinautolu kia Sihova ʻe he fuakava Laó) naʻá nau fakatangaʻi mo talitekeʻi ʻa Sīsū |
“FĀNAU” ʻA SELA Ko Kalaisi mo e kau Kalisitiane pani ʻe he laumālié ʻe toko 144,000 |
PŌPULA KI HE FUAKAVA LAÓ Ko e Laó naʻá ne fakamanatu ki he kau ʻIsilelí ko e kau pōpula kinautolu ki he angahalá |
KO E FUAKAVA FOʻOÚ ʻOKÚ NE FOAKI MAI ʻA E TAUʻATĀINA Ko e tui ki he mahuʻinga ʻo e feilaulau huhuʻi ʻa Kalaisí ʻoku taki atu ia ki he tauʻatāina mei hono fakahalaiaʻi ʻe he Laó |