Ko Hai Te U Fakaafeʻí?

ʻOku tau fai ha feinga makehe ʻi he taʻu taki taha ke fakaafeʻi ʻa e kakai he feituʻu ngāué ke kau mo kitautolu ʻi he Fakamanatú. Ko e tokolahi taha ʻo kinautolú ko e kau sola. ʻOku totonu foki ke tau fakaafeʻi ʻa e kakai ʻoku tau ʻiloʻí. Ko e kakai ʻoku nau maʻu ha tohi fakaafe mei ha taha ʻoku nau ʻiloʻí ʻe ngalingali te nau haʻu. (yb08 11 ¶3; 14 ¶1) Ko hai ʻa e niʻihi te ke lava ʻo fakaafeʻí?

• Kāinga

• Kaungāngāue pe kaungāako

• Kaungāʻapi

• Toe ʻaʻahi mo e kau ako Tohi Tapu ʻi he kuo hilí mo e lolotonga

Tānaki atu ki ai, ʻe fakaafeʻi ʻe he kau mātuʻá ʻa e faʻahinga ʻoku ʻikai longomoʻuí. Fēfē kapau ʻoku ʻikai nofo ʻa e tokotaha ʻokú ke ʻiloʻí ʻi ho feituʻú? ʻE lava ke ke kumi ʻa e taimi mo e feituʻu ʻe fai ai ʻa e Fakamanatu ʻi hono feituʻú ʻaki ʻa e lomi ʻi he FEKAUʻAKI MO KIMAUTOLU ʻi ʻolunga ʻi he peesi tefito ʻo e jw.org pea fili ʻa e “Fakamanatu.” ʻI hoʻo teuteu ki he fakamanatu ʻi he taʻu ní, fakakaukau ki he niʻihi te ke lava ʻo fakaafeʻí, pea fakaafeʻi leva kinautolu.