Ko e Hā ʻOku Mahuʻinga Taha Kiate Aú?

Naʻe fangatua ʻa Sēkope mo ha ʻāngelo ki ha meʻa mahuʻinga ʻaupito—ko e tāpuaki ʻa Sihová. (Sēn. 32:24-31; Hōs. 12:3, 4) Kae fēfē kitautolu? ʻOku tau loto-lelei ke ngāue tōtōivi ke talangofua kia Sihova pea maʻu ʻene tāpuakí? Ko e fakatātaá, kapau ʻe ʻi ai ha fili ke tau fai, ke maʻu ʻa e fakatahá pe ngāue paʻanga ʻi he laui houa, ko e hā te ke faí? ʻI heʻetau ʻoatu kia Sihova ʻa e lelei taha ʻa hotau taimí, iví mo e koloá, te ne huhua mai kiate kitautolu ‘ha tāpuaki kae ʻoua kuo ʻikai te tau masiva ʻi ha meʻa.’ (Mal. 3:10) Te ne tataki mo maluʻi kitautolu pea tokangaʻi ʻetau ngaahi fiemaʻú.—Māt. 6:33; Hep. 13:5.

SIO ʻI HE VITIŌ HANGANAKI TOKANGATAHA KI HE TAUMUʻA FAKALAUMĀLIÉ, PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e pole naʻe fehangahangai mo e tuofefiné?

• 

  ʻI he founga fē ʻe hoko nai ʻetau ngāue paʻangá ko ha pole kiate kitautolu?

• 

  Ko e hā naʻe fiemaʻu ai kia Tīmote ke ne hanganaki fokotuʻu ʻa e ngaahi taumuʻa fakalaumālié neongo ko ha Kalisitiane matuʻotuʻa ia?—1 Tīm. 4:16

• 

  ʻOku anga-fēfē ʻetau fakahaaʻi ʻa e “ngāue mahuʻinga taha” kiate kitautolú?