Fakaʻehiʻehi mei Hono Fakamafola ʻa e Ngaahi Loí

ʻI he ʻahó ni ʻoku tufaki ʻa e ngaahi fakamatalá ki he kakai ʻe laui miliona ʻi ha founga vave fakafou ʻi ha tohi, letiō, televīsone pea mo e ʻInitanetí. Ko e faʻahinga ʻoku lotu ki he “ʻOtua ʻo e moʻoní” ʻoku ʻikai ke nau loto ke fakamafola ha fakamatala loi naʻa mo e fai ia ʻi he taʻeʻilo. (Saame 31:5; ʻEki. 23:1) Ko e ngaahi fakamatala loi ʻoku feʻaveʻaki ki he niʻihi kehé ʻe lava ke ne fakatupu ha maumau lahi. ʻI he feinga ke ʻiloʻi pe ʻoku moʻoni ha meʻa, ʻeke hifo kiate koe:

• ‘ʻOku alafalalaʻanga ʻa e maʻuʻanga fakamatalá?’ Ko e tokotaha ʻokú ne fai ʻa e talanoá ʻoku ʻikai nai ke ne maʻu ʻa e ngaahi moʻoniʻi meʻá kotoa. Ko e talanoa ʻoku fakahoko mei ha tokotaha ki he niʻihi kehé ʻe hoko ʻo kehe ia. Ko ia ai tokanga he ʻoku ʻikai ke ke ʻiloʻi ʻa e kamataʻanga ʻo e talanoá. Ko e maʻuʻanga ʻo e fakamatala alafalalaʻangá ko e faʻahinga ko ia ʻoku nau maʻu ʻa e ngaahi fatongia ʻi he fakatahaʻangá. ʻOku totonu ke nau tokanga ʻi heʻenau fakahoko atu ʻa e ngaahi fakamatala ʻoku ʻikai ke fakapapauʻi ʻoku moʻoni

• ‘ʻOku laukovi loi ʻa e fakamatalá?’ Kapau ʻoku tuku hifo ʻa e ongoongo ʻo ha tokotaha pe kautaha ko iá ko e lelei tahá ke ʻoua ʻe toe talanoaʻi ia.​—Pal. 18:8; Fil. 4:8

• ‘ʻE lava ke tau tui ki he fakamatalá?’ Tokanga ʻi he fanongo ki he ngaahi talanoa mo e ngaahi hokosia ʻoku fuʻu tōtuʻa ʻo faingataʻa ke tui ki ai

SIO ʻI HE VITIŌ ʻE LAVA FĒFĒ KE U TAʻOFI ʻA E LAÚ? PEA TALI LEVA ʻA E NGAAHI FEHUʻI KO ENÍ:

• 

  Fakatatau ki he Palōveepi 12:18, ko e hā ʻa e maumau ʻoku lava ke fakatupunga ʻi he ngaahi leá?

• 

  ʻOku anga-fēfē hono tokoniʻi kitautolu ʻe he Filipai 2:4 ke filifili lelei ʻa e meʻa te tau leaʻaki fekauʻaki mo e niʻihi kehé?

• 

  Ko e hā ʻoku totonu ke tau faí ʻi he taimi ʻoku lea kovi ha taha fekauʻaki mo e niʻihi kehé?

• 

  Ki muʻa ke tau kamata ke talanoa fekauʻaki mo ha taha, ko e hā ʻa e ngaahi fehuʻi ʻoku totonu ke tau ʻeke hifó?