ʻOku Tau Fakahāhā ʻa e ʻOfa ʻAki ʻa e Poupou ki he Akonaki ʻa Sihová

ʻI he tuʻusi ha taha ʻoku maluʻi ai ʻa e fakatahaʻangá pea akonekina ai ʻa e tokotaha faiangahala taʻefakatomalá. (1 Kol. 5:6, 11) ʻI hono tuʻusi ha taha, ʻoku fakatupunga ai ʻa e mamahi fakaeongo ki he faʻahinga kotoa ʻoku kaunga ki ai, ʻo kau ai ʻa e ngaahi kāinga ofí pea mo e kōmiti fakamāú. Kae kehe, ʻi heʻetau poupou ki he akonaki ko ia meia Sihová ʻoku tau fakahāhā ai ʻa e ʻofá. Anga-fēfē?

Ko e meʻa mahuʻinga tahá, ʻoku tau fakahāhā ʻa e ʻofa kia Sihova tonu mo ʻene ngaahi tuʻunga māʻoniʻoní. (1 Pita 1:14-16) ʻOku tau toe fakahāhā ai ʻa e ʻofa ki he tokotaha tuʻusí. Neongo ʻoku fakalotomamahi ʻa e akonakí ka ʻe lava ke ne “fakatupu mai ai ʻa e fua fakamelino ko e māʻoniʻoni.” (Hep. 12:5, 6, 11) ʻOku tau fakafetau ki he akonaki ʻa Sihová kapau ʻoku tau feohi mo ha taha kuo tuʻusi, pe ko ha taha kuó ne fakamavaheʻi ia. Manatuʻi, ʻoku akonakiʻi “feʻunga pē” ʻe Sihova ʻa ʻene kakaí. (Sel. 30:11) ʻI heʻetau poupou ki he akonaki ʻa Sihová pea tauhi maʻu ʻetau tuʻunga fakalaumālié ʻoku tau toe ʻamanaki ai ʻe toe foki mai ʻa e tokotaha ko iá ki heʻetau Tamai mohu meesi.​—ʻAi. 1:16-18; 55:7.

SIO ʻI HE VITIŌ TAUHI MAʻU ʻA E MATEAKÍ ʻAKI HA LOTO FĀʻŪTAHA, PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e mamahi ʻoku ongoʻi ʻe he ngaahi mātuʻa Kalisitiané ʻi he liʻaki ʻe ha taha ʻo ʻena fānaú ʻa Sihova?

• 

  ʻE lava fēfē ke poupou ʻa e fakatahaʻangá ki he toenga ʻo e fāmili faitōnungá?

• 

  Ko e hā ʻa e fakamatala Fakatohitapu ʻoku akoʻi mai ai ko e mateaki kia Sihová ʻoku mahuʻinga mamaʻo ange ia ʻi he mateaki ki hotau fāmilí?

• 

  ʻOku anga-fēfē ʻetau fakahaaʻi ʻoku tau mateaki kia Sihova ʻo laka ange ia ʻi he mateaki ki hotau fāmilí?