Akonakí​—Ko ha Fakahāhā ʻo e ʻOfa ʻa Sihová

Ko e akonakí ʻoku felāveʻi tefito ia ki he fakahinohino mo e akoʻi ka ʻoku toe kau ki ai ʻa e fakatonutonu mo e tautea. ʻOku akonakiʻi kitautolu ʻe Sihova koeʻuhi ke tau lava ʻo lotu kiate ia ʻi he founga totonu. (Loma 12:1; Hep. 12:10, 11) ʻI he taimi ʻe niʻihi ʻoku fakamamahi ʻa e akonakí, ka ʻi heʻetau ngāueʻaki iá ʻoku tau hoko ʻo māʻoniʻoni ʻi he vakai mai ʻa Sihova pea maʻu ʻene ngaahi tāpuakí. (Pal. 10:7) Ko e hā ʻoku totonu ke manatuʻi ʻe he faʻahinga ʻoku nau fai ʻa e akonakí mo ia ʻoku akonakiʻí?

Tokotaha fai akonakí. Hangē ko Sihová, ko e kau mātuʻá, ngaahi mātuʻá mo e niʻihi kehé, ʻoku nau feinga mālohi ke ʻoatu ʻa e akonakí ʻi he anga-lelei mo e anga-ʻofa. (Sel. 46:28) Naʻa mo hono ʻoatu ha akonaki fefeka ʻoku totonu ke ʻoatu ia ʻo fakatatau ki he tuʻungá pea fai ia ʻi he ʻofa.​—Tai. 1:13.

Tokotaha akonakiʻí. Tatau ai pē pe ko e hā ʻa e founga ʻoku ʻomai ai ʻa e akonakí ʻoku ʻikai totonu ke tau talitekeʻi ia, kae feinga ke ngāueʻaki ia ʻi he taimi pē ko iá. (Pal. 3:11, 12) ʻOku ʻomai ʻa e ngaahi akonakí ʻi he ngaahi founga kehekehe pea koeʻuhi ko hotau tuʻunga taʻehaohaoá ʻoku tau fiemaʻu kotoa ai ʻa e akonakí. Te tau maʻu nai ʻa e akonakí fakafou ʻi he meʻa ʻoku tau lau ʻi he Tohi Tapú pe fanongo ki ai ʻi heʻetau ngaahi fakatahá pe ko e niʻihi ʻoku nau fiemaʻu ʻa e akonaki mei he kōmiti fakamāú. Kapau te tau tali ʻa e akonakí pea ngāueʻaki ia te tau maʻu ha moʻui fiefia ange pea maʻu ʻa e moʻui taʻengatá.​—Pal. 10:17.

SIO ʻI HE VITIŌ “KO KINAUTOLU ʻOKU ʻOFA AI ʻA SIHOVÁ ʻOKÚ NE AKONAKIʻI,” PEA TALI LEVA ʻA E NGAAHI FEHUʻI KO ENÍ:

• 

  Naʻe anga-fēfē tupu hake ʻa Canon, pea ko e hā ʻa e liliu naʻe hokó?

• 

  Ko e hā ʻa e akonaki anga-ʻofa naʻá ne maʻu meia Sihová?

• 

  Ko e hā ʻa e ngaahi lēsoni ʻoku tau ako mei heʻene hokosiá?