Ko fē tuʻunga ʻokú ke ʻi aí ʻi he ʻalunga ki he papitaisó?
MOʻUI KO HA KALISITIANE
Fili ke Tauhi kia Sihova
Kapau ko ha toʻutupu teʻeki papitaiso pe ko ha ako Tohi Tapu koe, ʻoku ʻi ai haʻo taumuʻa ke papitaisó? Ko e hā ʻa e ʻuhinga lelei ʻokú ke loto ai ke papitaisó? Ko e fakatapuí mo e papitaisó ko e kamataʻanga ia ʻo ha vahaʻangatae makehe mo Sihova. (Saame 91:1) ʻE lava ke fakahaofi ai kitautolu. (1 Pita 3:21) ʻE lava fēfē ke ke aʻu ki he fakatapuí mo e papitaisó?
Fakamoʻoniʻi kiate koe ko e moʻoní eni. ʻI he ʻi ai haʻo ngaahi fehuʻí fai ha fekumi fakafoʻituitui. (Loma 12:2) Fai ʻa e ngaahi liliu pē ʻoku fiemaʻú. ʻI hoʻo fai iá fakapapauʻi ko ho taumuʻá ia ke fakahōifuaʻi ʻa Sihova. (Pal. 27:11; ʻEf. 4:23, 24) Lotu maʻu pē kiate ia ki ha tokoni. Hoko ʻo tuipau ʻe fakaivimālohiʻi mo poupouʻi koe ʻe Sihova ʻaki hono laumālie māʻoniʻoni mālohí. (1 Pita 5:10, 11) Ko ha meʻa pē ʻokú ke fai ʻoku tuha ia mo e feingá. Ko e tauhi kia Sihová ʻa e moʻui fakafiefia tahá!—Saame 16:11.
SIO ʻI HE VITIŌ KO E ʻALUNGA KE FOU AI KI HE PAPITAISÓ, PEA TALI LEVA ʻA E NGAAHI FEHUʻI KO ENÍ:
Ko e hā ʻa e ngaahi fakafaingataʻaʻiaʻanga kuo ikuʻi ʻe he niʻihi ke hoko ʻo papitaiso?
ʻE lava fēfē ke ke fakatupulekina ʻa e tui ʻoku fiemaʻú ke fakatapui ai koe kia Sihová?
Ko e hā ʻa e meʻa kuo ueʻi ʻa e niʻihi ke taau ki he papitaisó?
ʻOku anga-fēfē hono tāpuakiʻi ʻe Sihova ʻa e faʻahinga ʻoku fili ke tauhi kiate iá?
ʻOku ʻuhinga ki he hā ʻa e fakatapuí mo e papitaisó?