“Ko e ʻofa ʻoku maʻu ʻe he Kalaisí ʻokú ne ueʻi kimautolu.”—2 Kol. 5:14
MOʻUI KO HA KALISITIANE
Te Ke Lava ʻo Tāimuʻa Tokoni ʻi Maʻasi pe ʻEpeleli?
Te ke saiʻia ke fakalahi hoʻo ngāue maʻa Sihová lolotonga ʻa e māhina ʻo Maʻasi pe ʻEpelelí? (2 Kol. 5:14, 15) Lolotonga ʻa e ongo māhina ko ení ʻe lava ke ke fili nai ke tāimuʻa tokoni ʻi he houa ʻe 30 pe 50. Kapau ʻoku malava ke ke kau ki he ngāue makehe ko ení, ʻave ha tohi kole ki he Kōmiti Ngāue ʻa e Fakatahaʻangá. Ko e ngaahi hingoa ʻo kinautolu kotoa ʻoku tali ke nau tāimuʻa tokoní ʻe fanongonongo atu ia ki he fakatahaʻangá ʻi he māhina taki taha. ʻE lava leva ai ʻa e fakatahaʻangá ke poupou ki he kau tāimuʻá ʻi he ngāue fakafaifekaú. ʻOfa ke tau ngāue kakato ʻaki ʻa e faingamālie ʻi he vahaʻa taimi Fakamanatú ke fakaleleiʻi ʻetau pōtoʻi ʻi he ngāue fakafaifekaú pea ke fefakalototoʻaʻaki.—1 Tes. 5:11.