Naʻa Nau Langa ʻAki Honau Nimá mo Honau Lotó

Naʻe ngāueʻaki ʻe Solomone ʻa e ngaahi naunau langa lelei tahá ki hono langa ʻo e temipalé (1 Tuʻi 5:6, 17; w11 2/1 15)

Naʻe tokoni ʻa e tokolahi ki he ngāué (1 Tuʻi 5:13-16; it-1 424; it-2 1077 ¶1)

Naʻe ngāue mālohi ʻa Solomone mo e kakaí ʻi he taʻu ʻe fitu ke fakakakato ʻa e langá (1 Tuʻi 6:38; sio ʻi he fakatātā ʻi he peesi ʻuluakí)

Naʻe malava ke langa ʻe Solomone mo e kakaí ha temipale fakaʻofoʻofa ke fakahīkihikiʻi ai ʻa Sihova koeʻuhi naʻe ueʻi kinautolu ʻe heʻenau ʻofa kiate iá. Ko e meʻa fakamamahí, ko e toʻutangata ki mui aí naʻe hōloa ʻenau faivelenga ʻi he lotu kia Sihová. Naʻe ʻikai ke nau tokangaʻi lelei ʻa e temipalé pea faai atu pē ʻo fakaʻauha.

Naʻe fiefia ʻa e fanga tokouá mo e fanga tuofāfiné ʻi he fakamaʻa ʻo e Fale Fakatahaʻangá. ʻI mui aí, ko e niʻihi kehé ʻoku nau lī ʻenau tokoní ki he puha meʻaʻofá, fetalanoaʻaki mo fokotuʻutuʻu ʻa e ʻū tohi ʻa e fakatahaʻangá.

ʻEKE HIFO, ‘Ko e hā ʻe lava ke u fai ke faivelenga ai pē ʻi he lotu kia Sihová?’