ʻOku tala ange ʻe ʻIlaisa ki hono tauhí: “ʻOku tokolahi ange ʻa e faʻahinga ʻoku kau mo kitauá ʻi he faʻahinga ʻoku kau mo kinautolú.”—2 Tuʻi 6:16

KOLOA MEI HE FOLOFOLA ʻA E ʻOTUÁ

ʻOku Tokolahi Ange ʻa e Kau mo Kitauá ʻi he Kau mo Kinautolú

Ko ʻIlaisa mo hono tauhí naʻe ʻātakaiʻi ʻe he filí (2 Tuʻi 6:13, 14; it-1 716 ¶4)

Naʻe hanganaki nonga ʻa ʻIlaisa pea naʻá ne fakaivimālohiʻi ʻene tokotaha tauhí (2 Tuʻi 6:15-17; w13 8/15 30 ¶2; sio ki he fakatātā ʻi he peesi ʻuluakí)

Naʻe fakahaofi fakaemana ʻe Sihova ʻa ʻIlaisa mo ʻene tokotaha tauhí (2 Tuʻi 6:18, 19; it-1 343 ¶1)

Ko Sīsū mo ʻene kau tau fakahēvaní ʻoku nau vakai hifo mei hēvani ki he fakafonu ʻa e kau polisí mo e kau taú ʻi he koló. Ko ha tokoua ʻokú ne tokoni ki ha ongo Fakamoʻoni ke na hū ki fale.

ʻOku mālohi ange ʻa Sihova ʻi hotau kau fakafepakí. Kapau ʻe malava ke tau sio ki he nofoʻanga laumālié pea sio ki he founga hono ngāueʻaki ʻe Sihova ʻene kau ʻāngeló ke maluʻi hono kakaí, ʻokú ke pehē ko e hā te tau sio ki aí?