MOʻUI KO HA KALISITIANE
Ngaahi Mātuʻa—Tokoniʻi Hoʻomou Fānaú ke Maʻu ʻa e Poto Fakaʻotuá
Ko e taha ʻo e ngaahi founga lelei taha ʻe lava ke tokoniʻi ai ʻe he ngaahi mātuʻá ʻenau fānaú ke maʻu ʻa e poto fakaʻotuá ko hono tokoniʻi kinautolu ke nau maʻu ʻaonga mei he ngaahi fakataha faka-Kalisitiané. Ko e meʻa ʻoku sio, fanongo mo tali ʻaki ʻe he fānaú ʻi he ngaahi fakatahá te ne tokoniʻi kinautolu ke ako fekauʻaki mo Sihova pea hoko ko hono kaumeʻa ofi. (Teu. 31:12, 13) Kapau ko ha mātuʻa koe, ʻe lava fēfē ke ke tokoniʻi hoʻo kiʻi tamá ke ne maʻu ʻa e ʻaonga lahi tahá mei he ngaahi fakatahá?
Fai ha feinga fakamātoato ke maʻu ʻa e ngaahi fakatahá ʻi he Fale Fakatahaʻangá.—Saame 22:22
Fakaʻatā ha taimi ke feohi fakalototoʻa ai ʻi he Fale Fakatahaʻangá ʻi he kamata pe ʻi he tuku ʻa e fakatahá.—Hep. 10:25
Fakapapauʻi ko e mēmipa taki taha ʻi he fāmilí ʻokú ne maʻu ha tatau ʻo e ʻū tohi ʻoku fai ai ʻa e akó ʻi he fakatahá, pe ʻi ha tatau kuo pulusi pe fakaʻilekitulōnika
Tokoniʻi hoʻo kiʻi tamá ke ne teuteu ha tali ʻi heʻene lea pē ʻaʻana.—Māt. 21:15, 16
Lea fakatupu langa hake fekauʻaki mo e ngaahi fakatahá mo e fakahinohino ʻokú ke maʻu ʻi aí
Tokoniʻi hoʻo fānaú ke nau fai ʻa e ngaahi ngāue hangē ko hono fakamaʻa ʻa e Fale Fakatahaʻangá pea talanoa mo e faʻahinga taʻumotuʻa ʻi he fakatahaʻangá
Ko hono tokoniʻi hoʻo fānaú ke ʻunuʻunu ofi kia Sihová ʻoku fiemaʻu ki ai ʻa e ngāue lahi, pea ʻe hā ngali taulōfuʻu ʻi he taimi ʻe niʻihi. Kae kehe, ʻe lava ke ke falala ki he tokoni ʻa Sihová. —ʻAi. 40:29.
SIO ʻI HE VITIŌ MĀTUʻA, FALALA KIA SIHOVA MO HONO MĀLOHÍ, PEA TALI LEVA ʻA E NGAAHI FEHUʻI KO ENÍ:
Ko e hā ʻa e ola ʻo e helaʻiá kia Siaki mo Lia?
Ko e hā ʻoku totonu ai ki he ngaahi mātuʻá ke nau hanga kia Sihova ki ha mālohí?
ʻI he ngaahi founga fē naʻe falala ai ʻa Siaki mo Lia kia Sihova ke na lavameʻá?