MOʻUI KO HA KALISITIANE
“Tuku Mavahe ha Meʻa”
ʻOku ʻikai totonu ke toki tali faingamālie pē ʻetau fai ʻa e ngaahi tokoni loto-fiefoakí. ʻI hono kehé, hangē ko ia naʻe fokotuʻu mai ʻe he ʻapositolo ko Paulá, ʻoku totonu maʻu pē ke tau “tuku mavahe ha meʻa.” (1 Kol. 16:2) Ko e muimui ki he faleʻi fakamānavaʻi ko ení ʻokú ne tokoniʻi kitautolu ke tau poupouʻi ʻa e lotu maʻá pea ʻomai ai ʻa e fiefia. Tatau ai pē pe ko ʻetau ngaahi tokoni fakafoʻituituí ʻoku hā ngali siʻisiʻi kiate kitautolu, ʻoku fakahoungaʻi lahi ʻe Sihova ʻetau loto ke fakalāngilangiʻi ia ʻaki ʻetau ngaahi meʻa mahuʻingá.—Pal. 3:9.
SIO ʻI HE VITIŌ FAKAMĀLŌ ATU KI HONO TUKU MAVAHE HA MEʻA, PEA TALI LEVA ʻA E ONGO FEHUʻI KO ENÍ:
Ko e hā ʻa e ngaahi ʻaonga ʻoku maʻu mei hono palaniʻi ʻetau ngaahi tokoni fakapaʻangá?
Kuo anga-fēfē fili ʻa e niʻihi ke “tuku mavahe ha meʻa”?