Talaʻofa ʻe he ʻOtuá ʻa e Moʻui Lelei Fakaʻatamai Haohaoa
Fakafou ʻi he Tohi Tapú, ʻoku tokonaki mai ai ʻe he ʻOtuá ʻa e tataki mo e fakafiemālie ke fekuki mo e puke fakaʻatamaí.
Ka kuo fai ʻe he ʻOtuá ʻa e meʻa lahi ange. Kuó ne talaʻofa ke toʻo ʻosi atu ʻa e ngaahi tupuʻanga ʻo e palopalema fakaʻatamaí.
ʻI he taimi ʻe fakahoko ai ʻe he ʻOtuá ʻa e talaʻofa ko iá, ko e ngaahi ongoʻi mamahí, palopalema fakaʻatamaí mo e ngaahi manatu tamakí “ʻe ʻikai toe manatua [ia], pea ʻe ʻikai ke ʻalu hake ia ʻi he lotó.”—ʻAisea 65:17.
Ko e Kau Fakamoʻoni ʻa Sihová te nau fiefia ke tokoniʻi koe ke ʻiloʻi ʻa e taimi mo e founga ʻe fakahoko ai ʻe he ʻOtuá ʻa e talaʻofa fakalotomāfana ko ení.