Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Tīsema

“ʻOku mau ʻaʻahi nounou mai ke talanoa fekauʻaki mo e Puleʻanga ʻo e ʻOtuá. Ko e kakai lotu tokolahi ʻoku nau lotu ke hoko mai ʻa e Puleʻanga ʻo e ʻOtuá. ʻOkú ke fakakaukau ʻe maʻu ʻaonga ʻa e tokotaha kotoa mei he Puleʻanga ʻo e ʻOtuá?” Tuku ke ne tali. Fakahaaʻi ʻa e peesi fakamuimui taha ʻo e Taua Leʻo ʻo Nōvema-Tīsema pea lāulea fakataha ki he fakamatala ʻi lalo ʻi he fehuʻi hono uá mo ha taha ʻi he ngaahi konga Tohi Tapu ʻoku haá. Tuʻuaki ʻa e makasiní pea fokotuʻutuʻu ke toe foki ʻo lāulea ki he palakalafi hono hokó.

Ko e Taua Leʻo Nōvema-Tīsema

“ʻI he ʻahó ni, ʻoku mau talanoa ai mo e ngaahi kaungāʻapí ʻo fekauʻaki mo Sīsū. ʻOkú ke pehē ko e hā ʻa e kaveinga naʻe maongo taha ki hono lotó? [Tuku ke ne tali.] ʻE lava ke u fakahaaʻi atu kiate koe ʻa e meʻa ʻoku leaʻaki ʻe he Tohi Tapú? [Lau ʻa e Luke 8:1.] ʻOku fakahaaʻi ʻi he makasini ko ení ʻa e ʻuhinga naʻe mahuʻinga ai ʻa e Puleʻanga ʻo e ʻOtuá kiate iá pea pehē ki he ngaahi ʻaonga fakaofo ʻe lava ke ne ʻomai ki he faʻahinga ʻo e tangatá.”