Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Mē

“ʻI he taimi ʻoku fakakaukau ai ʻa e kakaí fekauʻaki mo Sīsū Kalaisí, ʻoku nau faʻa fakaukau kiate ia ko ha kiʻi pēpē toki fāʻeleʻi pe ko ha tangata ʻoku mate fakamamahi. Ko e hā hoʻo fakakaukau fekauʻaki mo Sīsū Kalaisí?” Tuku ke ne tali. Lāulea fakataha ki he fakamatala ʻi lalo ʻi he foʻi fehuʻi “Ko e hā ʻe fai ʻe Sīsū ʻi he kahaʻú?” ʻi he peesi 16 pea lau mo ha taha ʻi he ngaahi konga Tohi Tapu ʻoku haá. Tuʻuaki ʻa e makasiní pea fai ha fokotuʻutuʻu ki ha fetalanoaʻaki ʻi he fehuʻi hokó.

Ko e Taua Leʻo Mē-Sune

“ʻOku mau ʻaʻahi nounou mai ke talanoa fekauʻaki mo e meʻa ʻoku tatau ai ʻa e kakai tokolahi. Meimei ko e tokotaha kotoa, tatau ai pē pe ko e hā e lotu ʻoku kau ki aí, ʻoku nau fai ha lotu. ʻOkú ke fakakaukau ʻoku tali ʻe he ʻOtuá ʻa e ngaahi kole kotoa pē ʻi he lotú, pe ko ʻetau lotu pē ke maʻu ha ongoʻi fiemālie fekauʻaki mo ʻetau ngaahi palopalemá? [Tuku ke ne tali.] Fakatokangaʻi ʻa e meʻa ʻoku leaʻaki ʻe he Tohi Tapú fekauʻaki mo e lotú. [Lau ʻa e 1 Sione 5:14.] ʻOku fakamatalaʻi ʻe he makasini ko ení ʻa e founga te tau maʻu ʻaonga ai mei he lotú.”