Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi ʻOkatopa

“ʻOku mau fai ha ʻaʻahi nounou ki he kakai ʻi hoʻomou feituʻú ʻi he ʻahó ni. Ko e tokolahi ʻa e kakai ʻoku mau talanoa ki aí ʻoku nau lotu ki he ʻOtuá, ka ko e niʻihi ʻoku nau veiveiua pe ʻoku fanongo moʻoni mai ʻa e ʻOtuá ki heʻenau ngaahi lotu tāutahá. ʻOku pehē ʻa e anga hoʻo ongoʻí? [Tuku ke ne tali.] Ko e fakamatala ʻi he peesi 16 ʻo e makasini ko ení naʻá ne tokoniʻi au ke mahinoʻi ʻa e meʻa te u fai ke fakapapauʻi ʻe fanongo mai ʻa e ʻOtuá ki heʻeku ngaahi lotú.” Fakahaaʻi ʻa e peesi fakaʻosi ʻo e Taua Leʻo ʻo Sepitema–ʻOkatopa, pea lāulea fakataha ki he fakamatala ʻi lalo ʻi he fehuʻi hono uá mo ha taha ʻi he ngaahi konga Tohi Tapu ʻoku haá. Tuʻuaki ʻa e makasiní pea fokotuʻutuʻu ha toe foki.

Ko e Taua Leʻo Sepitema-ʻOkatopa

“ʻI he taimi ʻoku hoko ai ʻa e meʻa fakamamahí ʻoku fifili ʻa e kakai tokolahi pe ko e hā ʻoku fakaʻatā ai ʻe he ʻOtuá ke hoko ʻa e meʻá ni, lolotonga ia ʻoku fakakaukau ʻa e niʻihi ko e finangalo ia ʻo e ʻOtuá pea ʻoku ʻikai totonu ke nau fehuʻia ia. Ko e hā hoʻo fakakaukaú? [Tuku ke ne tali.] Lau ʻa e Hapakuke 1:2, 3. “Fakatokangaʻi ʻa e anga ʻo e fifili ʻa Hapakuke ki he ʻuhinga ʻoku fakaʻatā ai ʻe he ʻOtuá ke hokohoko atu ʻa e faingataʻá, pea neongo ia naʻe ʻikai ke tafuluʻi ia ʻe he ʻOtuá. ʻE lāulea lahi ange ʻa e peesi 14 ʻo e makasini ko ení ki he kaveinga ‘ʻOku tokanga mai ʻa e ʻOtuá fekauʻaki mo ʻetau faingataʻaʻiá?’ Te u fiefia ke tuku atu ia maʻau.”