Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi ʻOkatopa

“ʻOku tokolahi ʻa e kakai ʻoku nau kātoangaʻi ʻa e ʻaloʻi ʻo Sīsuú, ka ʻokú ke fakakaukau ʻoku mahuʻinga ke manatua ʻa e pekia ʻa Sīsuú?” Tuku ke ne tali. ʻOange leva ki he tokotaha ʻapí ʻa e Taua Leʻo Siulai–Sepitema, pea lāulea fakataha ki he fakamatala ʻi lalo ʻi he ʻuluaki kaveinga tokoni ʻi he peesi 26 pea mo e konga Tohi Tapu ʻe taha pe lahi ange. Fokotuʻutuʻu ke toe foki ke lāulea ki he fehuʻi hono hokó.

Ko e Taua Leʻo Siulai-Sepitema

“ʻOku tui ʻa e kakai ʻe niʻihi ʻoku vavé ni ke hoko o ngata ʻa e māmaní. Pehē ʻe he niʻihi ʻe ʻikai ke hoko eni ia. Ke fakapapauʻi ʻa e meʻa ʻoku leaʻaki ʻe he Tohi Tapú kātaki ʻo fakatokangaʻi ʻa e veesi ko ení [Lau ʻa e Saame 37:29.] Ko ha fakamatala lahi ange ʻo e meá ni mo e ngaahi konga Tohi Tapu kehe ʻoku hā ia ʻi he peesi 19 ʻo e ʻīsiú ko eni ʻo e Taua Leʻo.”

ʻĀ Hake! Siulai-Sepitema

“Meimei ko e tokotaha kotoa pē ʻoku tau lea ki ai kuo ʻosi fai ha feangai taʻetotonu mo ia ʻi ha taimi. ʻOkú ke fakakaukau ʻoku ʻi ai ha fakaleleiʻanga ki he fakamaau taʻetotonú? [Tuku ke ne tali.] Fakatokangaʻi ʻa e kikite ko eni fekauʻaki mo ha pule te ne fakangata ʻa e fakamaau taʻetotonú. [Lau ʻa e Saame 72:11-14.] Ko e makasini ko ení ʻoku lāulea ai ki he ngaahi talaʻofa ʻa e Tohi Tapú ki ha ʻapongipongi faitotonu ange.”