Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Nōvema

“ʻI he ngaahi taʻu ki mui ní kuo fakautuutu ʻa e mahuʻingaʻia ʻi he kau ʻāngeló. ʻOkú ke fakakaukau ʻoku ʻi ai moʻoni ha kau ʻāngelo? [Tuku ke ne tali.] Fakatokangaʻi angé ʻa e lau ko ení.” ʻOange ki he tokotaha ʻapí ʻa e Taua Leʻo ʻOkatopa-Tīsema, pea lāulea fakataha ki he fakamatala ʻi lalo ʻi he ʻuluaki kaveinga tokoni ʻi he peesi 16 pea mo e konga Tohi Tapu ʻe taha pe lahi ange. Tuʻuaki ʻa e makasiní pea fokotuʻutuʻu ke toe foki ke lāulea ki he fehuʻi hono hokó.

Ko e Taua Leʻo ʻOkatopa-Tīsema

“ʻOku tokolahi ʻa e kakai ʻoku nau tui ki he ngaahi maná. Ko e niʻihi ʻoku nau veiveiua. ʻOkú ke fakakaukau naʻe hoko moʻoni ʻa e ngaahi maná? [Tuku ke ne tali.] Ko e talaʻofa ko eni ʻo ha mana ʻi he kahaʻú kuó ne ʻoange ki he kakai tokolahi ʻa e ʻamanaki. [Lau ha taha ʻo e ngaahi konga Tohi Tapu ʻoku hā ʻi he peesi 9-10.] Ko e makasini ko ení ʻokú ne tali ʻa e ngaahi fakafepaki anga-maheni ʻe tolu fekauʻaki mo e ngaahi maná.”

ʻĀ Hake! ʻOkatopa-Tīsema

“Kapau ʻe lava ke ke liliu ha meʻa ʻe taha fekauʻaki mo hotau māmaní, ko e hā nai ia? [Tuku ke ne tali.] ʻOku hā ʻi he Tohi Tapú ʻa e ʻuhinga ʻoku fakangatangata ai ʻa e meʻa ʻe lava ke fakahoko ʻe he tangatá. [Lau ʻa e Selemaia 10:23.] Ko e makasini ko ení ʻokú ne fakamatalaʻi ʻa e ngaahi meʻa kuo fakataumuʻa ʻe he ʻOtuá ke liliú.”