Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi ʻEpeleli

“Ko e papitaisó ko ha tōʻonga anga-maheni ia ʻi he haʻohaʻonga ʻo e kau Kalisitiane tokolahi. Ko e hā hoʻo fakakaukau ki aí? ʻOku mahuʻinga ʻa e papitaisó? [Tuku ke ne tali.] ʻOku ʻomai ʻi he kupu ko ení ha ngaahi poini mahuʻinga.” ʻOange ki he tokotaha-ʻapí ʻa e Taua Leʻo ʻo ʻEpeleli-Sune, pea lāulea fakataha ki he fakamatala ʻi lalo ʻi he ʻuluaki kaveinga tokoni ʻi he peesi 16 pea mo e konga Tohi Tapu ʻe taha pe lahi ange. Tuʻuaki ʻa e ongo makasiní pea fokotuʻutuʻu ke toe foki ke lāulea ki he fehuʻi hono hokó.

Ko e Taua Leʻo ʻEpeleli-Sune

“ʻOku lahi ʻa e ngaahi fakakaukau fekauʻaki mo Sīsū. ʻOku fakakaukau ʻa e niʻihi ko e Mīsaia ia naʻe talaʻofá. ʻOku ongoʻi ʻe he niʻihi ko ha tangata lelei pē ia. Neongo ia ʻoku tui ʻa e niʻihi naʻe ʻikai pē ke moʻui mai ia. Ko e hā hoʻo fakakaukaú? [Tuku ke ne tali.] Fakatatau ki he Tohi Tapú, ʻoku mahuʻinga ke ʻilo ʻa e moʻoni fekauʻaki mo iá. [Lau ʻa e Sione 17:3.] ʻOku fakahaaʻi ʻi he makasini ko ení ʻa e ngaahi tali ʻa e Tohi Tapú ki he niʻihi ʻo e ngaahi fehuʻi anga-maheni fekauʻaki mo Sīsuú.”

ʻĀ Hake! ʻEpeleli-Sune

“ʻOku mau talanoa ki homau ngaahi kaungāʻapí fekauʻaki mo ha hehema fakatupu hohaʻa. ʻOku hā ngali ko e kakai ʻo e ʻaho ní ʻoku fakautuutu ʻenau ʻitá mo vave ke fakapoʻuli. ʻOkú ke fakakaukau ko e hā hono tupuʻangá? [Tuku ke ne tali.] Fakatokangaʻi ʻa e meʻa ʻoku leaʻaki ʻe he Tohi Tapú fekauʻaki mo e ʻitá. [Lau ʻa e Saame 37:8.] ʻOku fakamatalaʻi mai ʻi he makasini ko ení ʻa e niʻihi ʻo e ngaahi ʻuhinga ki he fakautuutu ʻo e ʻitá he ʻaho ní pea pehē ki he ngaahi founga ʻe lava ke tau mapuleʻi ai ʻetau ʻitá.”