Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi ʻEpeleli

“ʻOku tui ʻa e kakai ʻe niʻihi ʻoku ʻi ai ʻa e tēvolo, lolotonga ia ʻoku pehē ʻe he niʻihi ko ha kovi pē ia ʻi loto ʻiate kitautolu. Ko e hā hoʻo fakakaukaú? [Tuku ke ne tali.] Fakatokangaʻi ʻa e meʻa ʻoku leaʻaki ʻe he Tohi Tapú fekauʻaki mo e tupuʻanga ʻo Sētane ko e Tēvoló. [Lau ʻa e Sione 8:44.] Kae kehe ʻoku fifili ʻa e niʻihi pe naʻe anga-fēfē ʻa e hoko ha ʻāngelo ko e Tēvoló?” Fakahaaʻi ange ʻa e fehuʻi hono ua ʻi he peesi 16 ʻo e Taua Leʻo Maʻasi-ʻEpeleli. Tuʻuaki ʻa e makasiní, pea fokotuʻutuʻu ke foki ke tali ʻa e fehuʻí.

Ko e Taua Leʻo Maʻasi-ʻEpeleli

“Kuó ke fifili nai ki he ʻuhinga moʻoni ʻo e lea ʻa Sīsū ʻi heʻene leaʻaki ʻa e ngaahi lea ʻoku lēkooti ʻi he Mātiu 22:31, 32? [Lau] ʻI he peesi 7 ʻo e makasini ko ení ʻoku fakamatalaʻi ai ʻene ʻuhingá mo e founga ʻe tokonaki mai ai ha ʻamanaki papau kiate kitautolu ki he kahaʻú.”

Ko e Taua Leʻo Maʻasi-ʻEpeleli

“ʻOku tokolahi ʻa e kakai ʻoku nau alāanga mo e tokotaha faitōnunga ʻi he Tohi Tapú ʻa Mōsese. Ko e potu folofola ko ení ʻokú ne tala mai kiate kitautolu ʻa e founga ʻene fakahāhā ʻene tuí. [Lau ʻa e Hepelū 11:27.] Naʻe ʻikai ʻaupito ke fakaʻiseʻisa ʻa Mōsese ʻi heʻene ngaahi fili ʻi he tuí. ʻOkú ke fakakaukau ʻe lava ke tau muimui ki heʻene faʻifaʻitakiʻangá he ʻahó ni? [Tuku ke ne tali.] Ko e kupu ʻi he peesi 4 ʻo e makasini ko ení ʻokú ne fakamatalaʻi ʻa e foungá.”