Sīpinga Tuʻuaki

Ke kamata ha Ako Tohi Tapu ʻi he ʻuluaki Tokonaki ʻo Mē

“Kuó ke fifili nai ko e hā ʻa e ʻuhinga naʻe pekia ai ʻa Sīsuú? [Tuku ke ne tali.] ʻOku ou loto ke fakaʻaliʻali atu kiate koe ha meʻa mahuʻinga ʻi he kaveinga ko ení.” Lau fakataha ʻa e fakamatala ʻi lalo ʻi he kaveinga tokoni hono fā ʻi he peesi 17 ʻo e ʻīsiu Taua Leʻo ʻo ʻEpeleli-Sune mo e taha ʻo e ngaahi potutohi ʻoku fakahāʻí. Tuʻuaki ʻa e makasiní, pea fokotuʻutuʻu ke toe foki ʻo lāulea ki he tali ʻo e fehuʻi hokó.

Ko e Taua Leʻo ʻEpeleli-Sune

“ʻOku tui ʻa e kakai tokolahi ko e ngoue ʻo ʻĪtení ko ha talatupuʻa. Te ke ʻohovale nai ke ʻilo naʻe lea ʻa Sīsū fekauʻaki mo ʻĀtama mo ʻIvi ko e kakai moʻoni? [Tuku ke ne tali. Lau leva ʻa e Mātiu 19:4-6.] Ko e makasini ko ení ʻokú ne tali ʻa e ngaahi fehuʻi anga-maheni ʻe niʻihi fekauʻaki mo e ngoue ʻo ʻĪtení.”

ʻĀ Hake! ʻEpeleli-Sune

Fakaʻaliʻali ʻa e takafí pea ʻeke, “ʻE anga-fēfē haʻo tali ʻa e fehuʻi ko ení? [Tuku ke ne tali.] Ko e Tohi Tapú ʻokú ne fakalototoʻaʻi ʻa e kakaí ke nau melino. [Lau ʻa e Semisi 3:17.] Ko ia leva, ko e hā kuo teʻeki fakafāʻūtahaʻi ai ʻe he lotú ʻa e faʻahinga ʻo e tangatá? ʻE faifai ange pea hoko ʻa e lotú ko ha mālohi ia ki he melinó? Ko e makasini ko ení ʻokú ne vakaiʻi ʻa e tali ki he ongo fehuʻi ko iá.”