Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Siulai

“ʻOku tui ʻa e kakai ʻe niʻihi ko e Tohi Tapú ko ha tohi falalaʻanga ia ʻo e kikite. ʻOku ongoʻi ʻe he niʻihi ʻoku ʻi ai ʻa e ngaahi kikite taʻemahino ʻa ia ʻe lava ke fakaʻuhingaʻi ʻi he ngaahi founga kehekehe lahi. Ko e hā haʻo lau?” Tuku ke ne tali. ʻOange leva ki he tokotaha-ʻapí ʻa e Taua Leʻo ʻo Siulai-Sepitema, pea lāulea fakataha ki he fakamatala ʻi lalo ʻi he ʻuluaki kaveinga tokoni ʻi he peesi 10 pea mo e konga Tohi Tapu ʻe taha pe lahi ange. Tuʻuaki ʻa e makasiní pea fokotuʻutuʻu ke toe foki ke lāulea ki he fehuʻi hono hokó.

Ko e Taua Leʻo Siulai-Sepitema

“Ko ʻĀmaketoné kuo hoko ia ko e kaveinga ʻo e fetalanoaʻaki lahi ʻi he ngaahi taʻu ki mui ní. ʻOkú ke fakakaukau ʻoku ʻi ai ha meʻa ʻe lava ke fai ʻe he tangatá ke taʻofiʻaki ʻa e hoko ʻa ʻĀmaketoné? [Tuku ke ne tali.] Ko e feituʻu eni ʻoku haʻu mei ai ʻa e foʻi lea ‘ʻĀmaketoné.’ [Lau ʻa e Fakahā 16:16. Fakahā leva ʻa e takafi ʻo e makasiní.] ʻOku ʻomai ʻi he makasini ko ení ʻa e tali ʻa e Tohi Tapú ki he ngaahi fehuʻi ko ení.”

ʻĀ Hake! Siulai-Sepitema

“Meimei ko e tokotaha kotoa pē ʻoku tau lea ki ai kuo ʻosi fai ha feangai taʻetotonu mo ia ʻi ha taimi. ʻOkú ke fakakaukau ʻoku ʻi ai ha fakaleleiʻanga ki he fakamaau taʻetotonú? [Tuku ke ne tali.] Fakatokangaʻi ʻa e kikite ko eni fekauʻaki mo ha pule te ne fakangata ʻa e fakamaau taʻetotonú. [Lau ʻa e Saame 72:11-14.] Ko e makasini ko ení ʻoku lāulea ai ia ki he ngaahi talaʻofa ʻa e Tohi Tapú ki ha ʻapongipongi faitotonu ange.”