Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Siulai

“ʻOku mau ʻaʻahi nounou mai ke talanoa fekauʻaki pea mo e fehuʻi fakamānako ko ení.” [Fakahaaʻi ange ʻa e ʻuluaki fehuʻi ʻi he peesi fakamuimui ʻo e Taua Leʻo ʻo Siulai-ʻAokosi.] “Ko e hā hoʻo fakakaukaú?” Tuku ke ne tali. Lāulea fakataha ki he fakamatala ʻi lalo ʻi he ʻuluaki fehuʻí mo ha taha ʻi he konga Tohi Tapu ʻoku haá. Fakaʻaliʻali ʻa e makasiní, pea fokotuʻutuʻu ke toe foki ʻo lāulea ki he fehuʻi hono hokó.

Ko e Taua Leʻo Siulai-ʻAokosi

“ʻI he ifi tapaká ʻoku tāmateʻi ai ʻa e moʻui ʻe 6,000,000 nai ʻi he taʻu taki taha. ʻOkú ke fakakaukau ʻe lava ke tau fai ha meʻa ke fakasiʻisiʻi ʻa e mahaki fakamāmani lahi ko ení? [Tuku ke ne tali.] Kuo tokoniʻi ʻa e kakai tokolahi ke tuku ifi pe fakaʻehiʻehi mei he ifi tapaká ʻaki ʻenau fakakaukau ki he vakai ʻa e ʻOtuá ki he ifí. Ko e fakatātaá, kuo ueʻi ʻa e niʻihi ʻe he konga Tohi Tapu ko ení ke nau fakakaukau ki he anga hono uesia ʻa e niʻihi kehé ʻe he ifi tapaká. [Lau ʻa e 1 Kolinitō 10:24.] ʻOku fakamatala ʻa e makasini ko ení ki he founga ʻe lava ke ueʻi ai ha taha ke taʻofi ʻene ifí, ʻi heʻene ʻiloʻi ʻa e anga ʻo e vakai ʻa e ʻOtuá ki he ifi tapaká.”