Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Sanuali

“ʻOku mau loto ke ʻilo fekauʻaki mo hoʻo fakakaukaú. Te ke pehē ko hai ʻa e huafa fakafoʻituitui ʻo e ʻOtuá? [Tuku ke ne tali.] Fakatokangaʻi ʻa e meʻa ʻoku lau hení.” ʻOange ki he tokotaha-ʻapí ʻa e Taua Leʻo ʻo Sanuali-Fepueli, sio ki he kupu ʻi he takafi ʻi muí, pea lāulea fakataha ki he fakamatala ʻi he ʻuluaki kaveinga tokoní pea mo ha konga Tohi Tapu ʻe taha pe lahi ange. Tuʻuaki ʻa e makasiní pea fokotuʻutuʻu ke foki ʻo fetalanoaʻaki ki he fehuʻi hokó.

Ko e Taua Leʻo Sanuali-Fepueli

“ʻOku tokolahi ʻa e kakai kuo nau talanoa fekauʻaki mo e ngataʻanga ʻo e māmaní. ʻOkú ke fakakaukau ko e ngataʻanga ʻo e māmaní ko ha meʻa ʻoku totonu ke tau manavahē ki ai? [Tuku ke ne tali.] Fakatatau ki heni, ʻe ʻi ai ʻa e kau hao moʻui. [Lau ʻa e 1 Sione 2:17.] Ko e makasini ko ení ʻokú ne ʻomai ʻa e tali ʻa e Tohi Tapú ki he fehuʻi anga-maheni ʻe fā ʻoku ʻeke ʻe he kakai tokolahi fekauʻaki mo e ngataʻanga ʻo e māmaní.”

Ko e Taua Leʻo Sanuali-Fepueli

“Ko e kakai tokolahi ʻoku nau loto ke ʻiloʻi pe ko hai ʻa e ʻOtuá pea mo e meʻa ʻokú ne finangalo ki aí. Ko e hā ʻokú ke fakakaukau ʻoku tau fiemaʻú koeʻuhi ka tau ako ai ʻa e moʻoni fekauʻaki mo e ʻOtua? [Tuku ke ne tali.] Fakatokangaʻi ʻa e meʻa naʻe leaʻaki ʻe Sīsū ʻi he Mātiu 11:25. [Lau] Ko e kupu ko eni ʻi he peesi 9 ʻoku fakamatala ki he meʻa ʻoku fiemaʻu ke tau fai fakafoʻituitui ke mahinoʻi ai ʻa e moʻoni fekauʻaki mo e ʻOtuá.”