Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Sune

“Kuó ke fifili nai ki he ʻuhinga ʻoku toutou ʻaʻahi mai ai ʻa e Kau Fakamoʻoni ʻa Sihová?” Tuku ke ne tali. Lāulea fakataha ki he fakamatala ʻi lalo ʻi he fehuʻi “Ko e hā ʻoku fai ʻe Sīsū he taimi ní?” ʻi he peesi 16 mo ha taha ʻi he konga Tohi Tapu ʻoku haá. Tuʻuaki ʻa e makasiní, pea fokotuʻutuʻu ke toe foki ʻo lāulea ki he palakalafi hono hokó.

Ko e Taua Leʻo Mē-Sune

“ʻOkú ke fakakaukau kuo malava ʻe he ngaahi lotú ʻo fakafāʻūtahaʻi moʻoni ʻa e kakaí? Fakatokangaʻi ʻa e meʻa naʻe kikiteʻi ʻe he Tohi Tapú ʻe hoko ki he faʻahinga ʻoku nau tali ʻa e ngaahi tuʻunga ʻa e ʻOtuá. [Lau ʻa e Sēfanaia 3:9, PM.] Ko e fāʻūtaha moʻoní ko e ola ia ʻo hono maʻu ʻa e ‘lea maa’, ʻa ia ko e ngaahi tuʻunga ia ʻa e ʻOtuá ki he lotú.” Fakaʻaliʻali ʻa e kupu ʻi he peesi 14 mo 15 pea tuʻuaki ʻa e makasiní.