Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Sune

“Meimei ko e tokotaha kotoa pē ʻoku mau talanoa mo ia ʻoku nau ʻilo ko Sīsū ʻa e ʻalo ʻo e ʻOtuá. Kae kehe, ʻoku mau fiefia ke ʻilo ʻa hoʻo fakakaukau ki he fehuʻi ko ení. ʻOkú ke fakakaukau ko hai naʻá ne fakatupu ʻa Sīsuú? [Lau ʻa e Kolose 1:15, 16.] Naʻá ke fakatokangaʻi ko e ʻOtuá tonu pē naʻá ne fakatupu ʻa Sīsuú?” Fakahaaʻi leva ʻa e peesi 16 ʻo e Taua Leʻo ʻo Mē-Sune pea lāulea ki he fehuʻi “Naʻe fakatupu ʻanefē ʻa Sīsū?” Tuʻuaki ʻa e makasiní pea fokotuʻutuʻu ke toe foki ki ai.

Fakatokangaʻi: Ko e tuʻuaki ko ení ʻoku totonu ke fakahāhaaʻi ia lolotonga e fakataha malanga ki he ngāue fakamalangá ʻi Sune 1. 

Ko e Taua Leʻo Mē-Sune

“ʻOku alāanga ʻa e kakai tokolahi mo e ngāue naʻe fai ʻe Noa ʻi hono langa ʻo e ʻaʻaké. Kae kehe, naʻe ʻi ai mo ha toe ngāue mahuʻinga kehe naʻe ʻiloa ai ʻa Noa ʻa ia naʻe lahi ange nai hono ngaahi polé ʻi hono langa ʻo e ʻaʻaké. [Lau ʻa e 2 Pita 2:5.] Fakatokangaʻi ʻoku toe manatua ʻa Noa ‘ko ha tokotaha malangaʻi ʻo e māʻoniʻoní.’ Ko e peesi 12 ʻo e makasini ko ení ʻoku fakamatala lahi ange ai fekauʻaki mo e ngāue fakamalanga naʻá ne faí.”

Ko e Taua Leʻo Mē-Sune

“ʻOku ou fieʻilo pe ko e hā hoʻo fakakaukau ki he ʻuhinga ʻo e ngaahi lea ko eni ʻa Sīsuú. [Lau ʻa e Sione 4:34.] Naʻe maʻu ʻe Sīsū ʻa e fiefia lahi ʻi hono fai ʻa e finangalo ʻo e ʻOtuá. Naʻá ne fakatatau ia ki he meʻakaí. Naʻe ʻi ai ʻa e taumuʻa pau ʻo e moʻui ʻa Sīsuú. ʻE lava ke ke lau ʻi he peesi 4 ʻo e makasini ko ení fekauʻaki mo e hoko ʻa Sīsū ko e kī ki ha moʻui mohu ʻuhingá. Te u fiefia ke tuku ʻa e makasini ko ení maʻau.”