Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonaki ʻo Suné

“ʻOku ʻi ai ʻa e ngaahi fakakaukau fepakipaki fekauʻaki mo Sīsū. ʻOku tui ʻa e niʻihi ko e ʻOtuá ia, ʻoku pehē ʻe he niʻihi ko e ʻalo ia ʻo e ʻOtuá, pea ʻoku kei vakai ʻa e niʻihi kiate ia ko ha tangata lelei pē. ʻOku ou fie fakaʻaliʻali atu kiate koe ha meʻa mālie ʻi he kaveinga ko ení.” Lau fakataha ʻa e fakamatala ʻi lalo ʻi he kaveinga tokoni hono fā ʻi he peesi 16 ʻo e ʻīsiu ʻo e Taua Leʻo ʻo ʻEpeleli-Sune mo e taha ʻo e ngaahi konga Tohi Tapu ʻoku fakahāʻí. Tuʻuaki ʻa e makasiní, pea fokotuʻutuʻu ke toe foki ʻo lāulea ki he tali ʻo e fehuʻi hokó.

Ko e Taua Leʻo ʻEpeleli-Sune

Lau ʻa e Senesi 2:16, 17. Pea pehē leva: “ʻOku pehē ʻe niʻihi naʻe tomuʻa ʻiloʻi ʻe he ʻOtuá ʻe faiangahala ʻa ʻĀtama. ʻOku ongoʻi ʻe he niʻihi ko e fakatokanga ʻa e ʻOtuá naʻe mei hoko ia ko ha mālualoi kapau naʻá ne ʻosi ʻilo ʻa e ikuʻangá. Ko e hā hoʻo fakakaukaú? [Tuku ke ne tali.] Ko e kupu ko eni ʻoku kamata ʻi he peesi 13 ʻoku fakamatalaʻi ai ʻa e founga ʻoku ngāueʻaki ai ʻe he ʻOtuá ʻene malava ke ʻilo ki he kahaʻú.”

ʻĀ Hake! ʻEpeleli-Sune

ʻI he fetaulaki mo ha taha kei talavou, fakaʻaliʻali ki ai ʻa e kupu ʻoku kamata ʻi he peesi 18. Tuhu ki he ʻuluaki kaveinga tokoní pea ʻeke ange, “Te ke pehē ko e ngaahi fakamatala ko ení ʻoku moʻoni pe loi? [Tuku ke ne tali. Lau leva ʻa e 2 Kolinito 6:19 [7:1, PM].] ʻOku lāulea heni ki he meʻa ʻokú ke fiemaʻu ke ʻilo fekauʻaki mo e ifi tapaká, kau ai ʻa e founga ke tuku aí.”