Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Mē 15
“ʻOkú ke fakakaukau te ke fiefia ʻi haʻo moʻui he ngaahi tuʻunga ʻoku fakamatalaʻi he veesi fakamānavaʻi ko ení? [Lau ʻa e 2 Pita 3:13. Pea tuku leva ke ne tali.] ʻOku fakamatalaʻi ʻe he makasini ko ení ʻa e ʻuhinga ʻo e ngaahi langi foʻoú mo e fonua foʻoú. ʻOku toe fakamatalaʻi ai ʻa e founga ʻe kehe ai ʻa e moʻuí ʻi he taimi ʻe fakahoko ai ʻe he ʻOtuá ʻene taumuʻa ki he māmaní.”
Awake! Mē
“ʻOku tui ʻa e kakai ia ʻe niʻihi, ke lavameʻa ʻi he māmani ʻo e ʻaho ní, kuo pau ke te fakaaoao. ʻI hono kehé, fakatokangaʻi ʻa e meʻa naʻe fakaongoongoleleiʻi mai ʻe Sīsuú. [Lau ʻa e Mātiu 5:5, 9.] ʻOkú ke loto-tatau mo e foʻi fakakaukau ko ení? [Tuku ke ne tali.] ʻOku fakamamafaʻi ʻe he makasini ko ení ʻa e ngaahi ʻaonga ʻe tolu ʻo e fakamelinó.” Fakaʻaliʻali ʻa e kupu ʻoku kamata he peesi 28.
Ko e Taua Leʻo Sune 1
“ʻI he ngaahi anga fakafonua lahi, naʻe ʻi ai ha taimi naʻe tokaʻi ai ʻa e kau taʻumotuʻá, ʻo hangē ko ia ʻoku lava ke fakatokangaʻi ʻi he lao motuʻa ko ení. [Lau ʻa e Livitiko 19:32.] ʻOkú ke fakakaukau ʻoku kei failahia ʻa e faʻahinga fakaʻapaʻapa ko iá he ʻahó ni? [Tuku ke ne tali.] ʻOku lāulea ʻa e makasini ko ení ki he founga ʻoku tokangaʻi ai ʻe he ʻOtuá ʻa e kau taʻumotuʻá pea mo e founga ʻe lava ke tau toe fai pehē ai mo kitautolú.”
Awake! Sune
“ʻOku ʻikai ko ha meʻa foʻou ʻa e tautoitoí, ka ʻi he ʻaho ní kuo tupulaki ia ʻo taha kehe atu ʻene hokó ʻi māmani lahi, ʻo uesia ai ʻa e moʻui ʻa e meimei tokotaha kotoa pē. ʻOkú ke fakakaukau ko e hā hono ʻuhingá? [Tuku ke ne tali.] ʻOku fakahaaʻi mei he Tohi Tapú ʻe he ʻīsiu ko eni ʻo e Awake! ʻa e taimi ʻe fakangata ai ʻa e tautoitoí pea mo e founga ʻe fakahoko mai ai ʻe he ʻOtuá ʻa e melino moʻoní ki he māmaní.” Lau ʻa e Maika 4:4.