Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Mē 15
“Kuó ke fifili ʻi ha taimi pe ʻoku uesia ʻa e ʻOtuá ʻe he ngaahi meʻa ʻoku fai ʻe he tangatá ʻi he māmaní? [Tuku ke ne tali.] Fakatokangaʻi ange ʻa e founga ʻoku lava ai ke uesia ʻe heʻetau ngaahi ngāué ʻa e ngaahi ongoʻi ʻa e ʻOtuá. [Lau ʻa e Palovepi 27:11.] ʻOku lāulea ʻa e makasini ko ení ki he ngaahi faʻifaʻitakiʻanga ʻa e kakai ʻa ia naʻa nau ʻai ke fiefia ʻa e loto ʻo e ʻOtuá, pea ʻoku fakamatala ai ki he founga ʻe lava ai ke tau fai ʻa e meʻa tatau.”
Awake! Mē 22
“Kuo fai ʻe he saienisi fakafaitoʻó ha fakalakalaka mahuʻinga ʻi hono fakafepakiʻi ʻo e mahakí, ka ʻokú ke fakakaukau ʻe faifai ange pea tau sio ki ha māmani ʻe ʻatā fakaʻaufuli mei he puké? [Tuku ke ne tali.] ʻOku fakamatala ʻa e makasini ko ení ʻo pehē ʻe ʻi ai ʻa e ʻaho ʻe maʻu ai ʻe he tokotaha kotoa ʻi he māmaní ʻa e moʻui lelei haohaoa ʻi hono fakahoko ʻa e talaʻofa ko ení.” Lau ʻa e Aisea 33:24.
Ko e Taua Leʻo Sune 1
“ʻOku ongoʻi ʻe he kakai ʻe niʻihi ʻoku ʻikai fiemaʻu ke kau ki ha lotu fokotuʻutuʻu maau ke lotu ai ki he ʻOtuá. Kuó ke fifili ʻi ha taimi fekauʻaki mo ia? [Tuku ke ne tali.] Ko e makasini ko ení ʻoku sivisiviʻi ai ʻa e lēkooti ʻo e ngaahi feangainga ʻa e ʻOtuá mo e kakaí ʻi he ngaahi taimi he kuohilí. ʻOku toe lāulea ai ki he ʻuhinga ʻo e lotu ki he ʻOtuá ʻo fai ʻi he moʻoní.” Lau ʻa e Sione 4:24.
Awake! Sune 8
“ʻOku hokosia ʻe he kakai tokolahi he ʻahó ni ʻa e taʻelatá. ʻOku kau ki he meʻá ni ha ongoʻi ʻo e mavahe ʻosi mei he niʻihi kehé. ʻIkai te ke loto-tatau ʻe lava ke hoko eni ko e meʻa fakamamahi? [Tuku ke ne tali. Pea lau leva ʻa e Sāme 25:16.] Ko e ʻīsiu ko eni ʻo e Awake! ʻoku ʻomai ai ʻa e ngaahi fokotuʻu ʻaonga ki hono tauʻi ʻo e taʻelatá.”