Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEpeleli-Sune
“ʻOkú ke pehē ʻe tali ʻe he ʻOtuá ʻa e ngaahi lotu kotoa pē? [Tuku ke ne tali.] Fakatokangaʻi ʻa e meʻa naʻe fakamamafaʻi heni ʻe Sīsuú. [Lau ʻa e Mātiu 15:8, 9.] ʻOku fakamatala ʻi he kupu ko ení pe ʻoku tali ʻe he ʻOtuá ʻa e founga lotu kotoa pē.” Fakaʻaliʻali ʻa e kupu ʻi he peesi 9.
ʻĀ Hake! ʻEpeleli-Sune
“ʻI he lāulea ki he fefakatauʻaki pōpulá, ʻoku meimei fakakaukau hake pē ʻa e kakaí ia ki ʻAfilika. Ka naʻá ke ʻiloʻi naʻe toe uesia ʻe he fefakatauʻaki pōpulá ʻa e Pasifiki Sauté? ʻOku ʻomai ʻe he kupu ko ení ha hisitōlia nounou ʻo e meʻa naʻe hokó. [Fakaʻaliʻali ʻa e kupu ʻi he peesi 24.] ʻE lava ke tau fakatuʻotuʻa atu ki ha taimi fiefia ʻi he hoko ʻa e founga kotoa pē ʻo e fakafeʻātungiá, fakamaau taʻetotonú mo e fefakatauʻaki pōpulá ko e ngaahi meʻa pē ʻo e kuohilí.” Lau ʻa e Maika 4:4.
Ko e Taua Leʻo ʻEpeleli-Sune
“ʻE lava ke hoko ko ha pole moʻoni ke fai ʻa e meʻa totonú ʻi he taimi ʻoku tenge ai kitautolu ʻe he kakaí ke tau fai ʻa e meʻa kehé. ʻOkú ke fakakaukau ko e hā ʻe lava ke ne tokoniʻi kitautolu ke tau fakaʻehiʻehi mei he foʻi? [Tuku ke ne tali. Pea lau ʻa e Palovepi 29:25.] Ko e kupu ʻaonga ko ení ʻoku fakahaaʻi ai ʻa e ʻuhinga ʻe nima ke manavahē ai ki he ʻOtuá kae ʻikai manavahē ki he tangatá.” Fakaʻaliʻali ʻa e kupu ʻoku kamata ʻi he peesi 12.
ʻĀ Hake! ʻEpeleli-Sune
“ʻI he fakatupunga hohaʻa ʻa e tuʻunga fakaʻekonōmiká ki he fuʻu tokolahi he ʻaho ní, ʻoku fiemaʻu ai ke levaʻi lelei ʻa e paʻangá pea ke akoʻi ki he fānaú ʻa e mahuʻinga ʻo e paʻangá. ʻE tokoniʻi ai heni kinautolu ʻi heʻenau tupu hake ʻo hoko ko e kakai lalahí. ʻOku ʻi ai ʻa e faleʻi ʻaonga ʻi he 1 Timote 6:7, 8 [Lau.] Ko e ngaahi kupu hokohoko ko eni ʻi he paʻangá ʻoku kau ai ʻa e fakamatala ʻi he peesi 5 ki he 8 ʻa ia ʻe ʻaonga lahi.”