Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEp.-Sune
“ʻI he kotoa ʻo e ngaahi palopalema ʻoku tau maʻu ʻi he ʻaho ní, ʻokú ke fakakaukau ʻe malava ke maʻu ha nonga moʻoni? [Tuku ke ne tali.] Ko e fakakaukau ki he ʻamanaki ʻoku ʻomai ʻe he Tohi Tapú ki he kahaʻú kuó ne tokoniʻi ʻa e tokolahi. [Lau ʻa e taha ʻo e ngaahi konga Tohi Tapu naʻe lave ki ai pe hā ʻi he kupu te ke fakaʻaliʻalí.] ʻOku fakahaaʻi ʻe he makasini ko ení ʻa e meʻa ʻoku leaʻaki ʻe he Tohi Tapú fekauʻaki mo e feituʻu naʻa tau haʻu mei aí, ko e taumuʻa ʻo e moʻuí mo e meʻa ʻoku tuku tauhi mai ʻi he kahaʻú.”
ʻĀ Hake! ʻEp.-Sune
“Ko e nofo mali kotoa pē ʻoku ʻi ai ʻene ngaahi palopalema. ʻOkú ke pehē ko fē ʻe hanga ki ai ʻa e ngaahi hoa malí ki ha faleʻi alafalalaʻanga? [Tuku ke ne tali.] Fakatokangaʻi ange ʻa e fakahinohino ʻaonga ko ení. [Lau ʻa e Efeso 5:22, 25.] ʻOku fakamatala ʻa e kupu ko ení ki he ʻuhinga ke anganofo ai ha uaifi ki hono husepānití.” Fakaʻaliʻali ʻa e kupu ʻoku kamata ʻi he peesi 28.
Ko e Taua Leʻo ʻEp.-Sune
“ʻOkú ke fakakaukau naʻe mei ueʻi fēfē ʻa e ngaahi fāmilí kapau naʻa nau ngāueʻaki ʻa e faleʻi ko ení? [Lau ʻa e Efeso 4:31. Pea tuku ke ne tali.] ʻOku ʻomai ʻi he kupu ko ení ʻa e ngaahi fokotuʻu ʻaonga mei he Tohi Tapú ke ngāue ai ki he ngaahi fepakí pea tauhi maʻu ʻa e fiefia ʻi he nofo malí.” Fakaʻaliʻali ʻa e kupu ʻoku kamata ʻi he peesi 19.
ʻĀ Hake! ʻEp.-Sune
“Ko e tomuʻa fehiʻá ko ha palopalema lahi ia ʻi he ngaahi konga lahi ʻo e māmaní. ʻI he taimi ʻe niʻihi ʻoku fai ai ʻa e siolalo ki he kakai fefiné. ʻOku anga-fēfē ʻa e vakai ʻa e ʻOtuá mo Kalaisi ki he kakai fefiné? [Tuku ke ne tali. Pea lau ʻa e 1 Pita 3:7.] ʻOku fakahaaʻi ʻi he kupú ʻa e ngaahi fakatātā Fakatohitapu lahi ʻoku kamata ʻi he peesi 4 mo ha fakamatala ʻi onopooni ʻoku hā ʻi he peesi 7.”