Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siulai-Sepitema
Lau ʻa e Mātiu 24:3. Pea pehē leva: “ʻOku ongoʻi ʻe he niʻihi ko e fehuʻi ko ʻení ʻoku fekauʻaki ia mo e ngata ʻa hotau foʻi māmaní. ʻOkú ke fakakaukau ʻe fakaʻauha ʻa e foʻi māmaní? [Tuku ke ne tali.] Ko e tali ʻa Sīsuú ʻoku ʻomai ai kia kitautolu ha meʻa ke tau fakatuʻotuʻa atu ki ai—ʻoku ʻikai ko e ngata ʻa e foʻi māmaní, ka ko e ngata ʻo ha meʻa kehe. ʻOku sivisiviʻi lahi ange ʻeni ʻi he kupu he peesi 18.”
ʻĀ Hake! Siulai-Sepitema
“Ko e ngaahi nofo mali lahi ʻoku iku ia ki he vete koeʻuhí ko e taʻefaitōnungá. ʻOkú ke fakakaukau ko hono ngāueʻaki ʻa e veesi ko ení ʻe tokoni ia ke tuʻuloa ai ʻa e nofo malí? [Lau ʻa e Mātiu 5:28. Pea tuku ke ne tali.] Ko e kupu ko ení ʻoku ngāueʻaki ai ʻa e Tohi Tapú ke tokoniʻi ʻa e ngaahi hoa malí ke nau fakaʻehiʻehi mei he tauhele ʻo e taʻemateakí.” Fakaʻaliʻali ʻa e kupu ʻoku kamata ʻi he peesi 28.
Ko e Taua Leʻo Siulai-Sepitema
“ʻOku tui ʻa e tokolahi ko e ngaahi lotu ʻi he māmaní ko e hala kehekehe pē ʻoku taki atu ki he ʻOtua tatau. Ko e hā hoʻo fakakaukaú? [Tuku ke ne tali.] Fakatokangaʻi ange ʻa e lau ʻa e Tohi Tapú. [Lau ʻa e Siosiua 24:15.] ʻOku ʻomai ʻi he kupu ko ení ʻa e ʻuhinga mālohi ke fai hano vakaiʻi fakafoʻituitui pe ʻoku taki atu ʻe heʻetau lotú kitautolu ki he ʻOtua moʻoní.” Fakaʻaliʻali ʻa e kupu ʻoku kamata ʻi he peesi 20.
ʻĀ Hake! Siulai-Sepitema
“Ko kitautolu kotoa ʻoku tau ʻilo ʻa e kakai kuo nau mate. ʻOkú ke fakakaukau ʻoku fiemaʻu ke tau manavahē naʻa ʻita nai ha niʻihi ʻo kinautolu pea nau fai mai ha kovi? [Tuku ke ne tali. Lau leva ʻa e Koheleti 9:5, 6.] Te ke ʻilo ʻoku fakafiemālie ʻa e kupu ko ʻení.” Fakaʻaliʻali ʻa e kupu ʻoku kamata ʻi he peesi 22.