Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siulai-Sepitema
Lau ʻa e Mātiu 24:3. Pea pehē leva: “ʻOku ongoʻi ʻe he niʻihi ko e fehuʻi ko ʻení ʻoku fekauʻaki ia mo e ngata ʻa hotau foʻi māmaní. ʻOkú ke fakakaukau ʻe fakaʻauha ʻa e foʻi māmaní? [Tuku ke ne tali.] Ko e tali ʻa Sīsuú ʻoku ʻomai ai kia kitautolu ha meʻa ke tau fakatuʻotuʻa atu ki ai—ʻoku ʻikai ko e ngata ʻa e foʻi māmaní, ka ko e ngata ʻo ha meʻa kehe. ʻOku sivisiviʻi lahi ange ʻeni ʻi he kupu he peesi 18.”
ʻĀ Hake! Siulai-Sepitema
“Ko kitautolu kotoa ʻoku tau ʻilo ʻa e kakai kuo nau mate. ʻOkú ke fakakaukau ʻoku fiemaʻu ke tau manavahē naʻa ʻita nai ha niʻihi ʻo kinautolu pea nau fai mai ha kovi? [Tuku ke ne tali. Lau leva ʻa e Koheleti 9:5, 6.] Te ke ʻilo ʻoku fakafiemālie ʻa e kupu ko ʻení.” Fakaʻaliʻali ʻa e kupu ʻoku kamata ʻi he peesi 22.
Ko e Taua Leʻo ʻOkatopa-Tīsema
ʻI he tuʻunga fakaʻekonōmika ʻo e ʻaho ní, ʻokú ke tui ko ha pole ia ʻa hono ngāueʻaki lelei ʻetau paʻanga hū maí? [Tuku ke ne tali pea lau ʻa e Koheleti 7:12.] Neongo ʻoku tau ʻiloʻi ʻa e fiemaʻu ha paʻangá, ʻoku fakamamafaʻi lahi ange ʻe he Tohi Tapú ʻa e ʻiló mo e potó. Ko e kupu ko ení, ʻa ia ʻoku kamata ʻi he peesi 10, ʻoku fakamatala ai ki he founga ke tauhi ai ʻa e mafamafatataú ʻi hono ngāueʻaki ʻetau paʻanga hū maí.
ʻĀ Hake! ʻOkatopa-Tīsema
“Ko e tokolahi taha ʻo kitautolú ʻoku tau fakamālōʻia ʻi he meʻa kuo akoʻi mai kia kitautolu ʻe heʻetau mātuʻá. ʻOkú ke fakakaukau ko e taʻefakaʻapaʻapa ia ke sivisiviʻi ʻa e ngaahi akonaki fakalotu kuo tau ako mei he kei siʻí? [Tuku ke ne tali. Lau leva ʻa e 1 Sione 4:1.] ʻOku fakahaaʻi ʻe he kupu ko ení pe ʻoku hala ke liliu ʻetau lotú.” Fakaʻaliʻali ʻa e kupu ʻoku kamata ʻi he peesi 28.