Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sanuali-Maʻasi
“ʻI he ngaahi taimi taʻemanonga ko ení, ʻoku loto-moʻua ai ʻa e tokolahi fekauʻaki mo e kahaʻú. Ko e hā te ne tokoniʻi koe ke tauhi maʻu ha fakakaukau paú? [Tuku ke ne tali.] Fakatokangaʻi ʻa e talaʻofa Fakatohitapu ko ení. [Lau ʻa e Aisea 65:17.] ʻOku ʻomai ʻe he makasini ko ení ʻa e ngaahi ʻuhinga lelei ke fakatuʻamelie ai ki he kahaʻú.”
ʻĀ Hake! Sanuali-Maʻasi
“ʻOku feinga ʻa e tokolahi ke fakalāngilangiʻi ʻa Sīsū ʻi he taimi ko eni ʻo e taʻú. Fakatatau ki he vēsí ni, ko e hā ʻa e founga lelei taha ʻokú ke pehē te ke fakalāngilangiʻi ai iá? [Lau ʻa e Sione 14:15. Tuku ke ne tali.] Ko e ʻaho tonu naʻe ʻaloʻi ai ʻa Sīsuú ʻoku ʻikai ke ʻiloʻi, ka te ke ʻohovale nai ke ʻilo ʻa e ʻuhinga naʻe ngāueʻaki ai ʻa Tīsema 25 ko e ʻaho Kilisimasí.” Fakaʻaliʻali ʻa e kupu ʻoku kamata ʻi he peesi 10.
Ko e Taua Leʻo Sanuali-Maʻasi
“Ko e kakai ʻi he māmaní ʻoku kehekehe ʻenau fakakaukau fekauʻaki mo Mele, ko e faʻē ʻa Sīsuú. Ko e hā hoʻo fakakaukaú? [Tuku ke ne tali.] ʻOku fakahā mai ʻe he Tohi Tapú ʻoku maʻu ʻe Mele ha ngafa makehe ʻi he hisitōliá. [Lau ʻa e Luke 1:30-32.] ʻOku fakamatala ʻa e makasini ko ení ki he meʻa ʻe lava ke tau ako mei heʻene faʻifaʻitakiʻangá.”
ʻĀ Hake! Sanuali-Maʻasi
“Ko e ʻInitanetí ko ha meʻangāue ʻaonga, ka ʻokú ne toe ʻomai ha fakatuʻutāmaki makehe ki he fānaú. ʻOkú ke fakakaukau ʻe anga-fēfē haʻatau malava ke maluʻi kinautolu? [Tuku ke ne tali.] Kātaki ʻo fakatokangaʻi ʻa e fakakaukau ko ení. [Lau pea ngāueʻaki ʻa e Palovepi 18:1.] Ko e taha eni ʻo e tefitoʻi moʻoni Fakatohitapu ʻe ono ʻoku fakamatalaʻi ʻi he kupú ni ke tokoni ki he ngaahi mātuʻá ke maluʻi ʻenau fānaú.” Fakaʻaliʻali ʻa e kupu ʻoku kamata ʻi he peesi 8.