Meʻa ke Leaʻaki Fekauʻaki mo e Makasiní

Ko e Taua Leʻo Sanuali-Maʻasi

“ʻOkú ke pehē ko e meʻa kotoa kuo akoʻi ʻe he ngaahi siasí ʻoku mei he Tohi Tapú? [Tuku ke ne tali.] ʻOku fakatokanga mai ʻa e Tohi Tapú ke tau tokanga ke ʻoua naʻa kākaaʻi kitautolu ʻe he loí. [Lau ʻa e Kolose 2:8.] ʻOku fakahaaʻi ʻi he makasini ko ení ʻa e akonaki tukufakaholo ʻe ono ʻoku fepaki mo e Folofola ʻa e ʻOtuá.”

ʻĀ Hake! Sanuali-Maʻasi

“Te ke loto-tatau ʻoku fehangahangai ʻa e ngaahi fāmili he ʻaho ní mo e palopalema lahi? [Tuku ke ne tali.] ʻOku ʻikai ʻiloʻi ʻe he tokolahi ʻa e faleʻi ʻaonga ʻoku maʻu ʻi he Tohi Tapú. Ko ha fakatātā eni. [Lau ʻa e konga Tohi Tapu ʻoku hā ʻi he makasiní.] Ko e kupu makehe ko eni ʻo e ʻĀ Hake! ʻoku fakahaaʻi ai ʻa e founga ʻe lava ke tokoniʻi ai ʻe he ngaahi tefitoʻi moʻoni Fakatohitapú ʻa e ngaahi fāmilí ke nau fekuki lavameʻa mo e ngaahi tuʻunga kehekehe.”

Ko e Taua Leʻo Sanuali-Maʻasi

“ʻOkú ke pehē ʻe hoko ʻa e māmaní ko ha feituʻu lelei ange kapau ʻe moʻuiʻaki ʻe he tokotaha kotoa pē ʻa e tefitoʻi moʻoni Fakatohitapu ko ení? [Lau ʻa e Loma 12:18. Pea tuku ke ne tali.] Kuó ke fifili nai ʻi ha taimi ki he ʻuhinga naʻe fakahinohino ai ʻa e ʻOtuá ʻi he taimi ʻe niʻihi ki he kakai ʻi he kuonga muʻá ke nau fai ha taú? ʻOku fakahaaʻi ʻi he kupu ko ení ʻa e tali mahino ʻa e Tohi Tapú.” Fakaʻaliʻali ʻa e kupu ʻoku kamata ʻi he peesi 21.

ʻĀ Hake! Sanuali-Maʻasi

“ʻOku pau ke malanga hake ʻa e palopalema ʻi he fāmili kotoa pē. ʻOkú ke pehē ko fē ʻe lava ke hanga ki ai ʻa e fāmilí ke maʻu ha faleʻi alafalalaʻanga mo ʻaonga? [Tuku ke ne tali. Pea lau ʻa e Sāme 32:8.] Ko e tatau makehe ko eni ʻo e ʻĀ Hake! ʻoku ʻomai ai ʻa e ngaahi tefitoʻi moʻoni Fakatohitapu pau ʻa ia ʻe tokoni ki he ngaahi fāmilí ʻi heʻenau ngāueʻakí.”