Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEpeleli-Sune
“ʻI hono kole ke nau fili ʻa e tangata faitākiekina lahi taha ʻi he hisitōliá, ʻoku fili ʻe he tokolahi ʻa Sīsū. Ko hoʻo filí ia? [Tuku ke ne tali.] Fakatokangaʻi ange ʻa e ʻuhinga ʻoku totonu ai ke tau kumi ki he ngaahi fakakaukau fepakipaki fekauʻaki mo iá ke ʻilo ai ʻa e moʻoní. [Lau ʻa e Sione 17:3.] Ko e ʻīsiu makehe ko eni ʻo e Taua Leʻo ʻoku fakahaaʻi ai ʻa e meʻa ʻoku leaʻaki moʻoni ʻe he Tohi Tapú fekauʻaki mo Sīsū pea mo ʻene akonakí.”
ʻĀ Hake! ʻEpeleli-Sune
Lau ʻa e Ngāue 17:31a. Pea pehē: “Ki he tokolahi, ko e fakakaukau tonu ko ia ki he ʻAho Fakamāú ʻoku ongo fakamanavahē. ʻOku fēfē hoʻo ongoʻi fekauʻaki mo iá? [Tuku ke ne tali.] ʻOku akoʻi ʻe he Tohi Tapú ko e ʻAho Fakamāú ʻe ʻomai ai ʻa e tāpuaki lahi ki he māmaní. ʻOku fakamatalaʻi ia ʻi he kupú ni.” Fakaʻaliʻali ʻa e kupu ʻoku kamata ʻi he peesi 10.
Ko e Taua Leʻo ʻEpeleli-Sune
“ʻOku taukaveʻi ʻi he ngaahi tohi ʻe niʻihi naʻe ʻikai ke pekia ʻa Sīsū ʻo hangē ko ia ʻoku leaʻaki ʻi he Tohi Tapú ka ʻoku pehē ai naʻá ne mali pea maʻu fānau. Kuó ke ʻosi fanongo ai? [Tuku ke ne tali.] ʻOku mātuʻaki mahuʻinga ke ʻiloʻi ʻa e moʻoní. [Lau ʻa e Sione 17:3.] ʻOku ʻomai ʻe he kupu ko ení ʻa e ʻuhinga ke falala ai ki he meʻa ʻoku leaʻaki ʻe he Tohi Tapú ʻo kau kia Sīsuú.” Fakaʻaliʻali ʻa e kupu ʻoku kamata ʻi he peesi 26.
ʻĀ Hake! ʻEpeleli-Sune
“ʻOku tau faʻa maʻu ʻa e fiefia lahi ʻi he sio ki he meʻa kuo fakatupu ʻe he ʻOtuá. Ko e taha ʻo e fakatupu ko iá ko e meʻa ʻoku lave ki ai ʻi he Sāme 104:25. [Lau] Kuó ke ofo ʻi he niʻihi ʻo e ngaahi meʻamoʻui lalahi ʻi he tahí? [Tuku ke ne tali.] ʻOku lāulea ʻi he kupu ko ení ki he taha ʻo e meʻamoʻui ʻi tahi naʻe fakatupu ʻe he ʻOtuá pea mo e fakaofo ʻa hono faʻú.” Fakaʻaliʻali ʻa e kupu ʻoku kamata ʻi he peesi 16.