Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sanuali-Maʻasi
“ʻOkú ke fakakaukau kapau ʻe ngāueʻaki ʻe he ngaahi husepānití mo e ngaahi uaifí ʻa e akonaki ko eni mei he Tohi Tapú, ʻe fakaivimālohiʻi nai ai ʻa e nofo malí? [Lau ʻa e Siope 31:1. Pea tuku ke ne tali.] ʻOku fakamatalaʻi ʻi he kupu ko ení ʻa e ngaahi tefitoʻi moʻoni mei he Tohi Tapú ʻa ia ʻe lava ke tokoniʻi ai ʻa e ngaahi hoa malí ke nau tauhi maʻu ʻenau fuakava malí.” Fakamatalaʻi ʻa e kupu ʻoku kamata ʻi he peesi 18.
ʻĀ Hake! Sanuali-Maʻasi
“Ko e tokolahi taha ʻo e kakaí kuo nau loto-tatau ki he fakaʻaʻau ke tāiʻi fakaʻulia ʻa e koloa ʻo tahí. ʻOkú ke fakakaukau ʻe lavameʻa ʻa e ngaahi puleʻanga fakaetangatá ʻi hono fakaleleiʻi ʻa e palopalemá? [Tuku ke ne tali. Pea lau ʻa e Mātiu 6:10.] ʻOku sivisiviʻi ʻi he kupu ko ení ʻa e ʻuhinga ʻe niʻihi ʻoku fai ai ʻa e hohaʻá pea fakahanga ʻa e tokangá ki he fakaleleiʻanga ʻe ʻomai ʻe he ʻOtuá.” Fakaʻaliʻali ʻa e kupu ʻoku kamata ʻi he peesi 18.
Ko e Taua Leʻo ʻEpeleli-Sune
“ʻOkú ke fakakaukau ʻe fanongo mai ʻa e ʻOtuá ki he ngaahi lotu kotoa pē? [Tuku ke ne tali.] Fakatokangaʻi ange ʻa e meʻa naʻe leaʻaki ʻe Sīsuú. [Lau ʻa e Mātiu 6:7.] Ko e kupu mahuʻinga ko ení ʻoku ʻomai ai ʻa e tali Fakatohitapu ki he ngaahi fehuʻi ʻe fā ʻoku faʻa ʻekea ʻo fekauʻaki mo e lotú.” Fakaʻaliʻali ʻa e kupu ʻoku kamata ʻi he peesi 26.
ʻĀ Hake! ʻEpeleli-Sune
“Ko e tokolahi ʻi he ʻaho ní ʻoku nau faingataʻaʻia ʻi he loto-moʻua felāveʻi mo e paʻangá, tautefito he lolotonga ʻo e taimi faingataʻa fakaʻekonōmika ko ení. ʻOkú ke loto-tatau mo ia? [Tuku ke ne tali.] Fakatokangaʻi ʻa e faleʻi mafamafatatau ko ení. [Lau ʻa e 1 Timote 6:8, 10.] ʻOku fakamatalaʻi ʻi he makasini ko ení ʻa e ngaahi tefitoʻi moʻoni Fakatohitapu ʻe tokoniʻi ai kitautolu ke levaʻi lelei ʻetau paʻangá ʻi ha founga ʻoku ʻomi ai ʻa e nongá.”