Meʻa ke Leaʻaki Fekauʻaki mo e Makasiní

Ko e Taua Leʻo Siulai-Sepitema

“Kuo mole meia kitautolu kotoa ʻa e faʻahinga ʻofeina ʻi he maté. ʻOku fakanatula pē ke tau fakaʻamu ke sio ki he faʻahinga ko iá. ʻOku nau ʻi fē nai? ʻE lava ʻe he maté ke fakatupu ha maumau pe tokoniʻi kitautolu? ʻOku ʻomai ʻe he Tohi Tapú ʻa e tali ki he ongo fehuʻi ko ení. [Lau ʻa e Koheleti 9:5, 6] Ko e kupu ko ení, kamata ʻi he peesi 19, ʻoku ʻomai ai ʻa e fakamatala ʻaonga lahi ange.”

ʻĀ Hake! Siulai-Sepitema

“ʻOkú ke fakakaukau kuo vavé ni ke toe lelei ange ʻa e tuʻunga fakaʻekonōmika ko ení? [Tuku ke ne tali.] ʻOku ʻikai lāuʻilo ʻa e tokolahi ki he founga ʻe lava ke tokoniʻi ai kitautolu ʻe he Tohi Tapú lolotonga ʻa e ngaahi taimi faingataʻa peheé. [Lau ha konga Tohi Tapu ʻoku ʻi he kupú.] Ko e kupu ko ení ʻoku fakahaaʻi ai ʻa e founga ʻe lava ke tokoniʻi ai kitautolu ʻe he Tohi Tapú ke tau fekuki mo ia lolotonga ʻa e tuʻunga fakaʻekonōmika taʻepau ko ení.” Fakaʻaliʻali ʻa e kupu ʻoku kamata ʻi he peesi 20.

Ko e Taua Leʻo ʻOkatopa-Tīsema

“ʻOku manavahē ʻa e kakai tokolahi naʻa maumauʻi pe fakaʻauha ʻa e māmaní ʻe ha tau fakaniukilia pe ko ha feliliuaki ʻa e ʻeá. ʻOkú ke fakakaukau ʻe faifai ange pea hoko eni? [Tuku ke ne tali.] Fakatokangaʻi pe ko e hā e lau ʻa e Tohi Tapú ki he meʻá ni. [Lau ʻa e Fakahā 11:18.] Ko e makasini ko ení ʻoku tali ai ʻa e ngaahi fehuʻi anga-maheni ʻe fā fekauʻaki mo e ngataʻanga ʻo e māmaní.”

ʻĀ Hake! ʻOkatopa-Tīsema

“ʻOku totonu ke fakanofo faifekau ʻa e kakai fefiné? [Tuku ke ne tali.] Ko e lau eni ʻa e Tohi Tapú ki ha fefine ʻe taha. [Lau ʻa e Loma 16:1.] Kae kehe, ʻoku pehē ʻe ha veesi ʻe taha ʻoku totonu ki he kau fefiné ke nau fakalongolongo ʻi he fakatahaʻangá. Ko ia ai, ko e hā ʻa e vakai ʻa e Tohi Tapú? ʻOku fakamatalaʻi ia ʻi he kupu ko ení.” Fakaʻaliʻali ʻa e kupu ʻoku kamata ʻi he peesi 28.