Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Fepueli

“Ki muʻa ke ʻalu hake ʻa Sīsū ki hēvani ʻi he 33 T. S., naʻá ne talaʻofa ʻe toe foki mai. ʻOku kei fakatuʻotuʻa atu ʻa e kakai tokolahi ki haʻane toe foki mai. Kuó ke fifili ʻi ha taimi pe ko e sino fēfē ʻe toe foki mai ʻaki ʻe Kalaisí? Te ne toe foki mai ko ha tangata, pe ko ha meʻa moʻui laumālie?” Tuku ke ne tali. Huke ki he peesi 12 ʻo e Taua Leʻo ʻo Sanuali-Fepueli, pea lau ʻa e palakalafi 2 ʻi he kaveinga tokoni “Ko e hā ʻa e taumuʻa ʻo e toe foki mai ʻa Kalaisí?” Lau pea lāulea leva ʻi he Taniela 7:13, 14. Tuʻuaki ʻa e kaveinga tokoni hono uá, “Ko e hā ʻe fai ʻe Sīsū ʻi heʻene aʻu maí?” ke lāulea ki ai ʻi hoʻo ʻaʻahi hono hokó.

Ko e Taua Leʻo Sanuali-Fepueli

“ʻOkú ke fakaʻamu ke moʻui ʻi ha māmani ʻa ia ko e mamahí, faingataʻá mo e maté ʻe hoko ko e ngaahi meʻa pē ʻo e kuohilí? Ko e māmani ko iá ʻoku ʻikai ko e anga pē ia ʻo e fakakaukaú. ʻOku tala mai kia kitautolu ʻe he Tohi Tapú ʻi he Fakahā 21:4 ko e māmani ko iá ʻe vavé ni ke hoko ʻo moʻoni. [Lau.] Ko e kupu ʻi he peesi 13 ʻo e makasini ko ení ʻoku fakamatalaʻi fakaikiiki ai ʻa e vēsí ni.”