Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Fepueli

“Ko koe mo aú ʻoku ʻi ai hota hingoa pea ʻoku pehē mo e ʻOtuá. ʻIkai ʻoku moʻoni te ke saiʻia ke ʻiloʻi mo manatuʻi ʻe he kakaí ho hingoá. Neongo ia, ʻokú ke fakakaukau ʻoku mahuʻinga ke ngāueʻaki ʻa e huafa ʻo e ʻOtuá? [Tuku ke ne tali.] Fakatokangaʻi ʻa e meʻa ʻoku tau lau heni fekauʻaki mo e ʻuhinga ʻoku totonu ai ke tau ngāueʻaki ʻa e huafa ʻo e ʻOtuá.” Fakahaaʻi ʻa e kupu ʻi he peesi fakaʻosi ʻo e Taua Leʻo Sanuali-Fepueli pea lāulea ki he fakamatala ʻi he kaveinga tokoni hono uá, ʻo kau ai ha taha ʻo e konga Tohi Tapu ʻoku haá. Tuʻuaki ʻa e makasiní pea fokotuʻutuʻu ha toe foki.

Ko e Taua Leʻo Sanuali-Fepueli

“ʻOku tokolahi ʻa e kakai ʻoku nau fakakaukau ʻe fakaʻauha ʻa e foʻi māmaní ʻe he afi ʻi he ngataʻanga ʻo e māmaní. Ko e meʻa ia ʻokú ke tui ki aí? [Tuku ke ne tali.] Fakatokangaʻi ʻa e meʻa ʻoku leaʻaki ʻe he Tohi Tapú ʻi he meʻá ni. [Lau ʻa e Saame 104:5.] Ko e makasini ko ení ʻokú ne fakahaaʻi ʻa e meʻa moʻoni ʻe hoko ʻi he ngataʻanga ʻo e māmaní.”

Ko e Taua Leʻo Sanuali-Fepueli

“Ko e hā hoʻo fakakaukau ki he ʻuhinga ʻa Sīsuú ʻi he taimi naʻá ne leaʻaki ai ení? [Lau ʻa e Mātiu 19:28.] Ko e makasini ko ení ʻokú ne fakahaaʻi ʻa e ngaahi tāpuaki fakaofo ʻe hokosia ʻe he faʻahinga ʻo e tangatá ʻi he taimi ʻe fakafoʻou ai ʻa e meʻa kotoa pē.” Fakamamafaʻi ha taha ʻo e ngaahi poini ʻi he peesi 6.