Meʻa ke Leaʻaki Fekauʻaki mo e Makasiní

Ko e Taua Leʻo Sanuali-Maʻasi

“ʻI he fekauʻaki mo e palataisi ʻoku lave ki ai ʻi he Tohi Tapú, ʻi he taimi ʻe niʻihi ʻoku faʻa ʻeke ʻe he kakaí, ‘ʻOku ʻi fē ia?’ pe ‘ʻE faifai angé pea tau sio ai?’ Ko hotau Tokotaha-Fakatupú ʻokú ne ʻomai ʻa e fakapapau ko ení. [Lau ʻa e Aisea 55:11.] Ko e kupu ʻi he peesi 13 ʻokú ne tali ʻa e fehuʻi, ‘ʻOku Tuʻu ʻi Fē ʻa e Palataisi Fakatohitapú?’”

ʻĀ Hake! Sanuali-Maʻasi

“Kuo ʻeke ʻe he tokolahi, ‘Kapau ʻoku ʻi ai ha ʻOtua, ko e hā ʻoku ʻikai te ne fakaʻauha ai ʻa e Tēvoló?’ Kuó ke fifili nai ki ai? [Tuku ke ne tali.] Ko e kupu ko eni ʻi he peesi 10 mo e 11 ʻokú ne tali ʻa e fehuʻi ko iá mei he Tohi Tapú. ʻOkú ne toe tala mai kiate kitautolu pe ʻe fēfē ʻa e māmaní ʻi he taimi ʻe puli atu ai ʻa e Tēvoló.” Lau ʻa e Fakahā 21:3, 4.

Ko e Taua Leʻo Sanuali-Maʻasi

“Te ke loto tatau ko e ngaahi mātuʻa taʻehoá ʻoku faʻa faingataʻa ange ia ʻi he ngaahi mātuʻa malí? [Tuku ke ne tali.] Ko e Tohi Tapú ʻokú ne fakalototoʻa mai kitautolu ke ngāue mo e tokanga pe tokaʻi ʻa e faʻahinga ʻoku ʻi ai ʻenau ngaahi polé. [Lau ʻa e Sāme 41:1.] Ko e kupu ʻoku kamata ʻi he peesi 10 ʻoku fakamatala ki he founga te tau lava ai ʻo fakahāhā ʻa e tokanga ki he ngaahi mātuʻa taʻehoá.”

ʻĀ Hake! Sanuali-Maʻasi

“ʻOku totonu ke fēfē ʻa e tali ʻa e kau Kalisitiané ʻi he taimi ʻoku tō ai ha fakatamaki? Hangē ko ia ne tomuʻa tala ʻi he Maake 13:8, ʻe ʻamanekina ʻa e ngaahi mofuike. [Lau] Ko e ngaahi fakamatala fakalotomāfana ʻo e ngaahi tokoni naʻe tokonaki hili ʻa e mofuike ʻi Haití ʻoku kamata ʻi he peesi 20.”