Maʻu ʻa e ʻAonga Lahi Tahá mei he Fakatātaá

Ko ʻetau ʻū tohí ʻoku fonu ʻi he ngaahi fakatātā ʻa ia ʻokú ne akoʻi mai ʻa e ngaahi poini mahuʻinga. ʻE lava fēfē ke ke maʻu ʻa e ʻaonga lahi tahá mei he ngaahi tokoni ko eni ki he mamatá.

• Tomuʻa sio ki he fakatātaá ki muʻa ke lau ʻa e kupú. ʻE langaʻi nai ʻe he ngaahi fakatātaá hoʻo fieʻiló pea ueʻi koe ke ke lau ʻa e kupú. Hangē pē ko ha foʻi kuki ifo, ko e matá ʻokú ne tomuʻa “ʻahiʻahiʻí.” Ko ia ʻeke hifo, ‘Ko e hā ʻoku ou sio ki aí?’—ʻĒm. 7:​7, 8.

• ʻI hoʻo lau ʻa e kupú, fakakaukau ki he ʻuhinga naʻe fili ai ʻa e fakatātaá. Lau ʻa e ngaahi fakamatala ʻo e fakatātaá kapau ʻoku ʻomai. Fakakaukau ki he anga ʻo e felāveʻi ʻa e fakatātaá mo e kaveinga ʻoku fai ki ai ʻa e lāuleá mo hoʻo moʻuí tonu.

• Hili ʻa e lautohí, ngāueʻaki ʻa e fakatātaá ke fakamanatu ʻa e ngaahi poini tefito ʻo e kupú. Feinga ke ngāueʻaki hoʻo manatú ke sioloto atu ki he ngaahi fakatātaá, pea mo e poini ʻoku akoʻi atu ʻe he fakatātā taki taha.

• Fēfē ke ke vakai ki he fakatātā ʻi he makasini ko ení pea sio pe ʻe lava ke ke manatuʻi ʻa e meʻa ʻokú ne akoʻi atú?