Ako mo e Taumuʻa ke Vahevahe

Ko ʻetau ako fakafoʻituituí ʻe lava ke fakaivifoʻou kiate kitautolu, ka ʻe lava ke tau maʻu ʻa e fakaivifoʻou lahi ange ʻi heʻetau vahevahe atu ki he niʻihi kehé ʻa e ngaahi makakoloa fakalaumālie fakalototoʻa ʻoku tau maʻú. ʻOku pehē ʻe he Palōveepi 11:25: “ʻIlonga ʻa ia ʻokú ne fakaivifoʻou ʻa e niʻihi kehé ʻe fakaivifoʻou ia.”

ʻI heʻetau vahevahe ʻa e meʻa ʻoku tau akó ki he niʻihi kehé, ʻoku faingofua ange ai ke tau manatuʻi ʻa e ngaahi poiní pea fakalolotoʻi ai ʻetau mahinó. Pea koeʻuhi ko e ngaahi poini ko iá ʻe lava ke ʻaonga ki he niʻihi kehé, ʻoku tau fiefia ai ke vahevahe ʻa e ngaahi makakoloa ko iá kiate kinautolu.—Ngā. 20:35.

ʻAhiʻahiʻi eni: ʻI he ngaahi uike ka hokó, kumi ki ha faingamālie ke vahevahe ʻa e meʻa kuó ke akó ki ha taha kehe. Te ke vahevahe nai ia ki ha mēmipa ʻo e fāmilí, taha ʻi hoʻo fakatahaʻangá, ko ha kaungāngāue, kaungāako, kaungāʻapi pe ko ha taha ʻokú ke fetaulaki mo ia ʻi he ngāue fakafaifekaú. Feinga ke fakamatalaʻi ia ʻi he lea pē ʻaʻau ʻi ha founga faingofua mo māʻalaʻala.

Manatuʻi: Vahevahe ʻa e meʻa ʻokú ke akó ke fakalototoʻaʻi ʻa e niʻihi kehé, kae ʻikai ko haʻo fiehā.—1 Kol. 8:1.