Maʻu ʻAonga mei he Maʻuʻanga Fakamatala he Tafaʻakí

Ko e ngaahi maʻuʻanga fakamatala he tafaʻakí ʻi he Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní ʻoku fakahaaʻi ai ʻa e feongoongoi ʻi loto ʻa e Tohi Tapú ʻaki hono taki koe ki he ngaahi veesi Tohi Tapu ʻoku maʻu ai ha toe ngaahi fakaikiiki. Ko e ngaahi maʻuʻanga fakamatala he tafaʻakí ʻoku fakahaaʻi ia ʻaki ha foʻi mataʻitohi ʻe taha hili ha foʻi lea. ʻI he Tohi Tapu kuo pulusí, kumi ki he mataʻitohi tatau ʻi he kōlomu ʻi lotó ke maʻu ʻa e ngaahi veesi ʻoku felāveʻi mo iá. ʻI he jw.org pe ʻi he JW Library^®, lomi ʻi he mataʻitohí ke vakai ki he ngaahi konga Tohi Tapu felāveʻí.

Ko e ngaahi maʻuʻanga fakamatala he tafaʻakí te ne taki nai koe ki he ngaahi meʻa hangē ko ení:

Fakamatala Tatau: ʻOku lave ʻa e maʻuʻanga fakamatalá ki he veesi ʻe taha naʻe hoko ai ʻa e meʻa tatau. Ko e fakatātaá, sio ki he 2 Sāmiuela 24:1 mo e 1 Kalonikali 21:1.

Toʻo-lea: ʻOku fakahaaʻi ʻi he maʻuʻanga fakamatalá ʻa e feituʻu naʻe toʻo mei ai ha kupuʻi lea pe fakamatala. Ko e fakatātaá, sio ki he Mātiu 4:4 mo e Teutalōnome 8:3.

Fakahoko ʻo e kikité: Ko e maʻuʻanga fakamatalá ʻokú ne fakafelāveʻi ha kikite mo hono fakahokó. Ko e fakatātaá, sio ki he Mātiu 21:5 mo e Sākalaia 9:9.