Tauhi Maʻu Hoʻo Taimi-Tēpile Lau Tohi Tapu Fakaʻahó

Koeʻuhi ko e lahi fau ʻa e ngaahi ngāue ke ke faí, ʻokú ke fāinga ke muimui ʻi hoʻo taimi-tēpile ki hono lau ʻo e Folofola ʻa e ʻOtuá ʻi he ʻaho taki taha? (Sios. 1:8) Kapau ko ia, ʻahiʻahiʻi ha taha ʻo e ngaahi fokotuʻu ko ení:

• ʻAi ha fakamanatu fakaʻaho. Seti ʻi hoʻo meʻangāue fakaʻilekitulōniká ke fakamanatu atu ʻa e taimi ke lau ai ʻa e Tohi Tapú.

• Tuku hoʻo Tohi Tapú ʻi ha feituʻu ʻoku faingofua ke sio ki ai. Kapau ʻokú ke lau mei ha tatau kuo pulusi ʻo e Tohi Tapú, tuku ia ʻi ha feituʻu ʻe lavangofua ke sio ki ai ʻi he ʻaho kotoa.—Teu. 11:18.

• Fanongo ki he ngaahi hiki-leʻó. Fanongo ki heni lolotonga hoʻo fai hoʻo ngaahi ngāue fakaʻahó. Ko Tara, ko ha tāimuʻa pea ko ha faʻē ʻoku ngāue poʻuli, ʻokú ne pehē, “Ko e fanongo ki he hiki-leʻo ʻo e Tohi Tapú lolotonga ʻeku fai ʻeku ngaahi ngāue fakaʻapí ʻokú ne tokoniʻi au ke ʻai ke tuʻumaʻu ʻeku lau Tohi Tapú.”

• Kītaki. Kapau ʻoku malanga hake ha ngaahi meʻa taʻeʻamanekina ʻo ne veuki hoʻo palaní, lau ha ngaahi veesi siʻi pē ki muʻa ke ke mohé. Naʻa mo ha kiʻi konga siʻisiʻi pē ʻi he ʻaho taki taha ʻoku ʻi ai hono ʻaonga ʻi he lele lōloá.—1 Pita 2:2.