ʻOku Pehē ʻe he Kau Fakamoʻoni ʻa Sihová ko Kinautolu Pē ʻE Fakahaofí?

ʻIkai. Ko e laui miliona lahi naʻe moʻui ʻi he laui senituli ki muʻá pea ʻikai ko e Kau Fakamoʻoni ʻa Sihová te nau maʻu ha faingamālie ke fakamoʻui. ʻOku fakamatalaʻi ʻe he Tohi Tapú ʻi he māmani foʻou ʻa e ʻOtuá kuo talaʻofá, “ʻe ʻi ai ʻa e toetuʻu fakatouʻosi ʻa e māʻoniʻoní mo e taʻemāʻoniʻoní.” (Ngāue 24:15) Tānaki atu ki aí, ko e tokolahi ʻoku moʻui he taimí ni te nau toki kamata nai ke tauhi ki he ʻOtuá, pea te nau maʻu foki ʻa e fakamoʻuí. Ko hono moʻoní, ʻoku ʻikai ko ʻemau ngāué ia ke fakamāuʻi pe ko hai ʻe fakahaofí mo ʻikai fakahaofí. Ko e ngāue ʻataʻatā pē ia ʻa Sīsū.—Sione 5:22, 27.