Ko ha Lotu Mavahe ʻAmelika ʻa e Kau Fakamoʻoni ʻa Sihová?
Ko homau ʻuluʻiʻapitanga ki he māmaní ʻoku tuʻu ia ʻi ʻAmelika. Kae kehe, ʻoku ʻikai ko ha lotu mavahe ʻAmelika kimautolu ʻi he ngaahi ʻuhinga ko ení:
ʻOku fakamatalaʻi ʻe he niʻihi ʻa e lotu mavahé ko ha kulupu naʻe mapaki mei ha lotu tefito. Naʻe ʻikai mapaki ʻa e Kau Fakamoʻoni ʻa Sihová mei ha ngaahi kulupu lotu kehe. Ka, ʻoku mau ongoʻi kuo mau toe fokotuʻu ʻa e founga ʻo e lotu faka-Kalisitiane naʻe ngāueʻaki ʻi he ʻuluaki senitulí.
ʻOku longomoʻui ʻa e Kau Fakamoʻoni ʻa Sihová ʻi heʻenau ngāue fakafaifekaú ʻi he ngaahi fonua laka hake he 230. Tatau ai pē pe ko fē ʻoku mau nofo aí, ʻoku mau mateaki tefito kia Sihova ko e ʻOtuá mo Sīsū Kalaisi, ʻo ʻikai ko e puleʻanga ʻAmeliká pe ko ha toe puleʻanga fakaetangata.—Sione 15:19; 17:15, 16.
Ko ʻemau ngaahi akonakí kotoa ʻoku makatuʻunga ia ʻi he Tohi Tapú, ʻo ʻikai ʻi he ngaahi tohi ʻa e kau taki lotu ʻe niʻihi ʻi ʻAmelika.—1 Tesalonaika 2:13.
ʻOku mau muimui kia Sīsū Kalaisi, ʻo ʻikai ki ha toe taki fakaetangata.—Mātiu 23:8-10.