‘Fanongonongo ʻa e Taʻu ʻo e Hōifua ʻa Sihová’

Ko e ‘taʻu ʻo e hōifua ʻa Sihová’ ʻoku ʻikai ko ha taʻu moʻoni ia

61:1, 2

• Ko e vahaʻa taimi ia ʻa ia ʻoku ʻoange ai ʻe Sihova ki he kau anga-vaivaí ha faingamālie ke nau tali ʻene fanongonongo ʻo e tauʻatāiná

• ʻI he ʻuluaki senitulí, ko e taʻu ʻo e hōifuá naʻe kamata ia ʻi he taimi naʻe kamata ai ʻe Sīsū ʻene ngāue fakafaifekaú ʻi he 29 T.S. pea naʻe faai mai ia ʻo aʻu ki he “taimi sauni” ʻa Sihová ʻi he taimi naʻe fakaʻauha ai ʻa Selusalema ʻi he 70 T.S.

• ʻI hotau ʻahó ni, ko e taʻu ʻo e hōifuá naʻe kamata ia ʻi he taimi naʻe fakanofo tuʻi ai ʻa Sīsū ʻi hēvani ʻi he 1914 pea ʻe fakaʻosiʻaki ʻa e mamahi lahí

ʻOku tāpuakiʻi ʻe Sihova hono kakaí ʻaki ʻa e “gaahi akau oe maonioni”

61:3, 4, PM

• Ko e ʻuluʻakau lalahi taha ʻi he māmaní ʻoku faʻa tupu fakataha ia ʻi he ngaahi vaotaá, ʻa ia ʻoku fepoupouaki ai ʻa e ngaahi ʻuluʻakau taki taha

• Ko e ngaahi faʻunga aka lalahí ʻoku nau fetuiaki, ʻo nau ʻai ʻa e ʻuluʻakaú ke tuʻumaʻu mo matuʻuaki ʻa e ngaahi afaá

• Ko e malumalu ʻo e ʻuluʻakau lalahí ʻokú ne maluʻi hono ngaahi hulí, pea ko hono laú ʻoku ngangana ʻo ne fakaleleiʻi ʻa e kelekelé

Ko e mēmipa kotoa ʻo e fakatahaʻanga Kalisitiane ʻi māmani lahí ʻoku nau maʻu ʻaonga mei he fepoupouaki mo e maluʻi mei he “gaahi akau oe maonioni,” ʻa ia ko e toenga ʻo e kau paní