Maʻá e Toʻutupú
Fakaʻehiʻehi mei he Feohi Fakatupu Maumaú!
Fakahinohino: Fai ʻa e lautohí ni ʻi ha ngaahi feituʻu lōngonoa. ʻI hoʻo lau ʻa e ngaahi konga Tohi Tapú, sioloto atu ʻokú ke kau ʻi he meʻa ʻoku hokó. Sioloto atu ki he meʻa ʻoku hokó. Fanongo ki he ngaahi leʻó. ʻAi ke ke ongoʻi ʻa e ngaahi ongo ʻa e faʻahinga ʻoku hā ʻi he talanoá. ʻAi e fakamatalá ke hangē pē ha meʻa moʻoní.
Faʻahinga tefitó: Taina, Sīkemi, Sēkope, Simione mo Līvai
Fakanounou: Ko Tainá ʻoku kākaaʻi ia ʻe Sīkemi, pea naʻe feinga sāuni ʻa hono ongo tuongaʻane tōlilí.
1 ʻANALAISO ʻA E TUʻUNGÁ.—LAU ʻA E SENESI 34:1-31.
Ko e hā e ngaahi ngāue ʻokú ke pehē naʻe kau nai ki ai ʻa Taina mo hono kaungāmeʻa ʻi Kēnaní?
․․․․․
Ko e hā e faʻahinga fakaʻuhinga ʻokú ke sioloto atu naʻe ‘lea fakafiemalie’ ʻaki ʻe Sīkemi kia Tainá?
․․․․․
Ko e hā e ongo ʻokú ke ʻiloʻi naʻe ʻi he leʻo ʻo Sēkopé ʻi heʻene valokiʻi ʻa Simione mo Līvai ʻi he veesi 30?
․․․․․
2 FEKUMI LAHI ANGE.
Ko e hā ʻokú ke pehē ai naʻe ʻaʻahi maʻu pē ʻa Taina ki he ngaahi ʻofefine ʻo Kēnaní? (Ko e fakatātaá, ko e hā nai naʻá ne faitatau ai mo kinautolú? Ko e hā nai ne lava ke ne maʻu ʻi he lotolotonga ʻo e kakai Kēnaní ʻa ia naʻe ʻikai lava ke ne maʻu ʻi ʻapí?)
․․․․․
Ko e hā e ngaahi ʻulungaanga fakaʻofoʻofa naʻe sio nai ai ʻa Taina ʻia Sīkemí? (Toe lau ʻa e veesi 3, 12, mo e 19.)
․․․․․
ʻOku anga-fēfē hono fakahaaʻi ʻe he Tohi Tapú naʻe ʻikai kau loto-lelei ʻa Taina ki he fehokotaki fakasinó? (Toe lau ʻa e veesi 2.)
․․․․․
ʻOkú ke pehē naʻe totonu kia Simione mo Līvai ke na faisāuni ʻaki hono tāmateʻi ʻa e kakai ʻo e kolo ʻo Sīkemí? Ko e hā hono ʻuhingá, pe ko e hā naʻe ʻikai totonu aí?
․․․․․
3 NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E . . .
Fiemaʻu ke fili fakapotopoto ho kaungāmeʻá.
․․․․․
Fiemaʻu ʻa e mapuleʻi-kitá, tatau ai pē pe ʻokú ke ʻita ʻi ha ʻuhinga lelei.
․․․․․
KI HA NGĀUE LAHI ANGE.
Ko e hā e ngaahi sitepu ʻe lava ke ke fou ai ke fakaʻehiʻehi ai mei hono kākaaʻi fakaefehokotaki fakasino ʻe he kakai ʻoku ʻikai te nau tokanga ki he ngaahi tuʻunga fakaeʻulungaanga ʻa e ʻOtuá?
․․․․․
4 KO E HĀ E TAFAʻAKI ʻO E FAKAMATALÁ NI ʻOKU MOHU ʻUHINGA TAHA KIATE KOÉ, PEA KO E HĀ HONO ʻUHINGÁ?
․․․․․
Lau ʻa e fakamatala lahi ange makatuʻunga he tohi tapú ʻi he www.watchtower.org